Categories
Breaking news

لانگ مارچ بھی ہوگا اور استعفے بھی ہوں گے، رانا ثنااللّٰہ

 استعفوں کا آپشن آخری آپشن ہے، رانا ثنااللّٰہ

پاکستان مسلم لیگ (ن) پنجاب کے صدر رانا ثنااللّٰہ نے کہا ہے کہ لانگ مارچ بھی ہوگا اور استعفے بھی ہوں گے، استعفوں کا آپشن آخری آپشن ہے، یہ سمجھتے ہیں پہلا آپشن ہے۔

Advertisement

اپنے ایک بیان میں رانا ثنا اللّٰہ کا کہنا تھا کہ بیوروکریسی یاد رکھے کھوکھر فیملی کے گھر گرانے کے زبانی احکامات کی ذمہ داری کوئی نہیں لے گا۔

ان کا کہنا تھا کہ آپ یاد رکھیں کل آپ کو مقدمے اور پیشیاں بھگتنی پڑیں گی۔

انھوں نے شریف خاندان سے متعلق کہا کہ شریف فیملی کی خواتین کو اشتہاری قرار دیا جا رہا ہے۔

رانا ثنا اللہ نے بھی شیخ رشید سے دس سوالات پوچھ لیے

راولپنڈی (جنگ نیوز)پاکستان مسلم لیگ (ن) پنجاب کے صدر…

ان کا کہنا تھا کہ کھوکھر فیملی کیخلاف 27 مقدمات درج کر لیے ہیں، کھوکھر فیملی کے بچوں پر بھی مقدمات درج کر لیے۔

رانا ثنااللّٰہ کا یہ بھی کہنا تھا کہ کھوکھر فیملی کو میاں نواز شریف کیساتھ کھڑے رہنے کی سزا دی جا رہی ہے۔

لیگی صدر پنجاب نے کہا کہ غیرت اور شرم و حیا سے عاری انتقام آپ کو بھی بھگتنا پڑے گا۔

ان کا کہنا تھا کہ بابا رحمتے نے کھوکھروں کے ایک ایک انچ کی انکوائری کی، بنی گالا ریگولرائز ہوسکتا ہے، آپ مخالفین کے گھروں پر بلڈوزر چلانا چاہتے ہیں۔

رانا ثنا نے منشیات کے کاروبارکی تصدیق کی، اے این ایف کا دعویٰ

اینٹی نارکوٹکس فورس (اے این ایف) نے دعویٰ کیا ہے کہ…

رانا ثناء اللّٰہ نے کہا کہ ہم نے ہمیشہ چادر اور چاردیواری کے تقدس کا خیال رکھا، شیرینیاں ہماری جدوجہد کا راستہ نہیں روک سکتیں۔

ان کا کہنا تھا کہ انشااللّٰہ لانگ مارچ بھی ہوگا اور استعفے بھی ہوں گے، استعفوں کا آپشن آخری آپشن ہے، یہ سمجھتے ہیں پہلا آپشن ہے۔

لیگی رہنما نے کہا کہ استعفوں کا آپشن صحیح وقت پر استعمال کیا گیا تو ضمنی انتخابات کا موقع نہیں ملے گا۔

انھوں نے کہا کہ جھوٹے مقدمات ختم کرنے کا کہتے ہیں تو وہ کہتے ہیں ہم این آر او مانگ رہے ہیں۔

سانحہ ماڈل ٹاؤن پر بات کرتے ہوئے انھوں نے کہا کہ ماڈل ٹاؤن واقعے میں پولیس اور طاہرالقادری کے چاہنے والوں میں تصادم ہوا، اس واقعے میں کسی قسم کی منصوبہ بندی کا عنصر نہیں تھا۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *