قومی سلامتی پالیسی پارلیمنٹ میں کیوں پیش نہ کی گئی: شیری رحمٰن

—فائل فوٹو

پاکستان پیپلز پارٹی کی نائب صدر و سینیٹر شیری رحمٰن کا کہنا ہے کہ حکومت نے قومی سلامتی پالیسی پیش کی، مگر اسے پارلیمنٹ میں کیوں پیش نہیں کیا گیا؟ قومی سلامتی پالیسی کا مسودہ ایوان میں پیش کر کے پارلیمان کی رائے لی جانی چاہیے تھی۔

سینیٹ کے اجلاس میں سینیٹر شیری رحمٰن نے اظہارِ خیال کرتے ہوئے کہا کہ حکومت کہے گی کہ اپوزیشن نے پارلیمانی قومی سلامتی کمیٹی کا بائیکاٹ کیا جس میں پالیسی کا مسودہ پیش کیا گیا، اپوزیشن نے اس اجلاس کا اس لیے بائیکاٹ کیا کیونکہ وزیرِ اعظم عمران خان اس کمیٹی اجلاس میں نہیں آتے۔

انہوں نے سوال کیا کہ کیا یہ ہو گا کہ ملک کو آئی ایم ایف کو گروی رکھ دیا گیا، اسٹیٹ بینک اب بین الاقوامی سامراج کو جواب دہ ہو گا، یہ آپ کی معاشی سلامتی پالیسی ہو گی؟ یہ کیا قومی سلامتی کمیٹی ہے جس پر پارلیمان پر بحث نہیں ہوئی، جسے پارلیمان نے دیکھا نہیں۔

پی پی پی کی نائب صدر کا کہنا ہے کہ کیا اس میں ریاست کے خلاف وہ گروپس شامل ہیں، جو ریاست کے خلاف جدوجہد کر رہے ہیں، کیا آپ ان کو قومی دھارے میں شامل کرنا چاہ رہے ہیں، کیا قومی سلامتی پالیسی کو آئی ایم ایف چلائے گا؟

شیری رحمٰن کی تقریر کے دوران محسن عزیز نے شور مچایا جس پر شیری رحمٰن نے کہا کہ آپ ہمیں بات کرنے دیں، محسن عزیز ایوان کو قابو کر رہے ہیں، یہ چیخے جا رہے ہیں۔

انہوں نے مزید کہا کہ یہ کونسی قومی سلامتی پالیسی ہے جس میں پارلیمان کا پاتھ کہیں ہے، اس پالیسی سے پاکستان کا تحفظ نہیں ہو گا۔

سینیٹر شیری رحمٰن کا یہ بھی کہنا ہے کہ ان کے دور میں کالے قوانین لائے جا رہے ہیں جسے قومی سلامتی پالیسی کا لبادہ پہنایا جا رہا ہے، ہم ایوان سے واک آؤٹ کرتے ہیں۔

جس کے بعد شیری رحمٰن اور اپوزیشن اراکین نے ایوان سے واک آؤٹ کیا۔

قومی خبریں سے مزید

Original Article

بھکارن سے مبینہ اجتماعی زیادتی ، وزیر اعلیٰ کا نوٹس

جاوید لطیف نے نواز شریف کی واپسی کی نئی تاریخ کیا دی؟

عسکری پارک کی تزئین و آرائش کیلئے تیار ہیں، ایڈمنسٹریٹر کراچی

دین خود قاضی اور جلاد بننے کا حق نہیں دیتا، طاہراشرفی

دوست محمد خان کی شیخ رشید پر تنقید، سینیٹ میں قہقہے

بھارت کی پھر سندھ طاس معاہدے کی خلاف ورزی

گورنر شاہ فرمان نے ارباب محمد علی کو قانونی نوٹس بھجوا دیا

اسلام آباد: اومی کرون کے مزید 3 کیسز رپورٹ

نسلہ ٹاور مقدمہ، ‏اس حادثۂ وقت کو کیا نام دیا جائے؟

نسلہ ٹاور کیس میں تاحال کوئی گرفتاری نہ ہو سکی

پی ٹی آئی کا 3 سالوں میں ترقی کے ریکارڈز توڑنے کا دعویٰ

مردان :سٹی کونسل کی 45 مخصوص نشستیں قرعہ اندازی کے ذریعے الاٹ

پاکستان سنگاپور سے بھی آگے جائے گا، حسان خاور

قومی سلامتی معیشت کے ساتھ وابستہ ہے ، شاہ محمود قریشی

سینیٹ اجلاس میں اپوزیشن کا شور شرابا

نسلہ ٹاور کیس، پولیس کا چھاپہ: SBCA افسران خوف کا شکار

تباہی سرکار نے 1 سال میں بجلی 18 روپے فی یونٹ مہنگی کی: شیری رحمٰن