قتل کے منصوبہ سازوں کو بلیٹ پروف شیشوں سے کوئی فرق نہیں پڑتا، عمران خان

چیئرمین پاکستان تحریک انصاف (پی ٹی آئی) عمران خان نے کہا ہے کہ میرے قتل کے منصوبہ سازوں کو بلٹ پروف شیشوں سے کوئی فرق نہیں پڑتا ہے۔

ترک میڈیا کو دیے گئے انٹرویو میں عمران خان نے کہا کہ میں پہلے ہی توقع کر رہا تھاکہ کچھ ہوگا،جب ان لوگوں نے منصوبہ بنایا میں نے چار ماہ پہلے ہی بتادیا تھا۔

انہوں نے کہا کہ بند کمرے میں 4 لوگوں نے میرے قتل کا منصوبہ بنایا، وہ طاقتور لوگ تھے، میں نے ان کا منصوبہ پہلے ہی بتادیا، جس پر انہوں نے دوسرا منصوبہ بنایا۔

پی ٹی آئی چیئرمین نے مزید کہا کہ جن طاقتور لوگوں نے میرے قتل کا منصوبہ بنایا، انہیں بلٹ پروف شیشوں سے کوئی فرق نہیں پڑتا۔

ان کا کہنا تھا کہ وہ طاقتور لوگ بلٹ پروف یا دیگر احتیاطوں کے باوجود بھی اپنا کام کرسکتے ہیں۔

عمران خان نے یہ بھی کہا کہ اس منصوبےمیں مذہبی تاثر دیا گیا تاکہ دھیان ان 4 طاقتور افراد کی طرف نہ جائے۔

انہوں نے کہا کہ حکومت اور وزیر داخلہ نے قومی ٹیلی ویژن پر ایسی وڈیوز چلائیں، جس میں واقعے کا مذہبی تاثر دیا گیا۔

پی ٹی آئی چیئرمین نے کہا کہ قاتلانہ حملے سے مجھے مقبولیت حاصل کرنے کی کوئی ضرورت نہیں، میں واقعے کی آزادانہ تحقیقات چاہتا ہوں۔

ان کا کہنا تھا کہ تحقیقات میں ساری باتیں بتاؤں گا کہ واقعات کس طرح ہوئے، مجھےکئی ماہ سے اس حکومت سے احتجاجی مارچ کی صورت میں وارننگ مل رہی تھیں۔

عمران خان نے کہا کہ میرے پاس انتخاب تھا کہ یہ سب چھوڑ کر گھر میں آرام سے بیٹھ جاؤں، میں نے فیصلہ کیا کہ حقیقی آزادی کی جدوجہد پر کوئی سمجھوتہ نہیں ہوگا۔

انہوں نے کہا کہ پاکستان پر ابھی مجرم حکمرانی کر رہے ہیں، دو جماعتیں 30 سال سے پاکستان پر حکمرانی کر رہی ہیں، پاکستان کے ان حکمرانوں پر بڑے بڑے جرائم کے کیسز بنے ہوئے ہیں، یہ جیل جا چکےہیں، ان لوگوں کو ہم پر مسلط کیا گیا ہے اور ہم سے بھیڑ بکریوں والا رویہ چاہا جارہا ہے۔

پی ٹی آئی چیئرمین نے کہا کہ میرے اوپر قاتلانہ حملہ اندرونی مسئلہ ہے، اسے ہمیں یہیں حل کرنا ہے، پوچھتا ہوں اس سلسلے میں باہر کی قوتیں کیا کر سکتی ہیں؟ باہر کی قوتیں جب ہی حاوی ہوتی ہیں، جب آپ اندر سے کمزور ہوں۔

ان کا کہنا تھا کہ آگے بڑھنے کا صرف ایک راستہ ہے کہ لوگوں کو ان کی مرضی کی حکومت منتخب کرنے دی جائے، کسی باہر کی قوت یا اندرونی قوت کو ہم پر مجرموں کو مسلط کرنے کا اختیار نہیں ہے۔

عمران خان نے کہا کہ پنجاب پولیس صوبے میں ہماری حکومت کے ماتحت ہونے کے باوجود میں اپنا کیس رجسٹر نہیں کراسکا۔

انہوں نے کہا کہ میں ان تین افراد کے خلاف کیس درج نہیں کراسکا، پنجاب پولیس نے انکار کردیا، سوال یہ پیدا ہوتا ہے کہ پھر پنجاب پولیس کو کون کنٹرول کر رہا ہے؟

قومی خبریں سے مزید

Original Article

موسمیاتی تبدیلی کے منفی اثرات سے نمٹنے کیلیے جرات مند فیصلے کیےجائیں، شہباز شریف

احسن اقبال کی مذاکرات کیلئے پی ٹی آئی سے رابطوں کی تصدیق

پنجاب نے نئے آئی جی کی تقرری کےلیے 3 نام وفاق کو بھجوادیے

سانحہ وزیرآباد کے تمام شواہد محفوظ ہیں، ترجمان گجرات پولیس

عمران خان پر حملے کا مقدمہ، جسٹس یحییٰ آفریدی کا اختلافی نوٹ سامنے آ گیا

یوم اقبال پر عام تعطیل کے اعلان پر ناصرہ جاوید اقبال کا شکوہ

سیلاب سے 3 کروڑ افراد متاثر ہوئے، وزیراعظم

حکومت پنجاب کا آئی جی فیصل شاہکار کی خدمات واپس لینے کےلیے وفاق کو خط

آئی جی پنجاب نے عمران خان پر حملے کی شہادتیں نامعلوم دباؤ پر ضائع کیں، فواد چوہدری

نیپرا نے ستمبر کےلیے بجلی 8 پیسے فی یونٹ مزید مہنگی کردی

عمران خان پر فائرنگ، وزیراعظم کا چیف جسٹس کو دوسرا خط

عمران خان کی اسلام آباد کے سوا ہر جگہ احتجاج ختم کرنے کی ہدایت

معطل سی سی پی او لاہور فوری رپورٹ کریں، اسٹیبلشمنٹ ڈویژن کا خط

پاکستانیوں کی اکثریت نے پی ٹی آئی لانگ مارچ مسترد کردیا، سروے

جسٹس فائز عیسٰی غلط پارکنگ پر برہم

شمس آباد مری روڈ پر پی ٹی آئی کارکنان کی خاتون سے بدتمیزی