Categories
Breaking news

فیاض چوہان، علیم خان، حمزہ شہباز کے اثاثوں کی تفصیلات

فیاض چوہان، علیم خان، حمزہ شہباز کے اثاثوں کی تفصیلات

الیکشن کمیشن آف پاکستان نے صوبائی اسمبلیوں کے ارکان کے اثاثوں کی تفصیلات جاری کر دی ہیں۔

Advertisement

الیکشن کمیشن کے مطابق پنجاب کے وزیر فیاض چوہان کے پاس 85 لاکھ روپے مالیت کی 2 جائیدادیں ہیں، فیاض چوہان اور ان کی اہلیہ کے بینک اکاؤنٹ میں 79 لاکھ روپے ہیں۔

وزیرِ اعظم عمران خان کے اثاثوں کی مالیت 8 کروڑ 6 لاکھ روپے

الیکشن کمیشن آف پاکستان نے اراکینِ قومی اسمبلی کے اثاثوں کی تفصیلات جاری کر دیں جن کے مطابق وزیرِاعظم عمران خان کے اثاثوں کی کل مالیت 8 کروڑ 6 لاکھ روپے ہے۔

x
Advertisement

الیکشن کمیشن کا کہنا ہے کہ پنجاب کے سینئر وزیر علیم خان اور ان کی اہلیہ کے نام 15 کروڑ 92 لاکھ روپے مالیت کی پراپرٹی ہے، علیم خان کی بیٹی اور اہلیہ کے نام انگلینڈ اور یو اے ای میں 78 لاکھ روپے کا سرمایہ ہے۔

علیم خان، اہلیہ اور بیٹی کے 11 کروڑ 77 لاکھ روپے کے اسٹاک شیئرز ہیں، علیم خان نے 1 ارب 21 کروڑ روپے کا غیر محفوظ قرضہ لے رکھا ہے۔

علیم خان کے پاس 3 کروڑ 21 لاکھ روپے کی 3 لگژری گاڑیاں ہیں، 65 تولہ سونا ہے، 1 کروڑ روپے کیش، جبکہ ان کے بینک اکاؤنٹ میں 13 کروڑ 91 لاکھ روپے موجود ہیں۔

یہ بھی پڑھیے

الیکشن کمیشن کے مطابق پنجاب اسمبلی میں قائدِ حزبِ اختلاف اور مسلم لیگ نون کے رہنما حمزہ شہباز کے اثاثوں کی مالیت 41 کروڑ 47 لاکھ روپے ہے۔

حمزہ شہباز کی ملک میں 13 کروڑ 64 لاکھ روپے کی پراپرٹی ہے، ان کے پاس سلیمان شہباز کی دی گئی 3 کروڑ روپے کی زرعی اراضی بھی ہے۔

الیکشن کمیشن کا یہ بھی کہنا ہے کہ حمزہ شہباز نے ملک میں 13 کروڑ روپے کی سرمایہ کاری کر رکھی ہے، ان کے بینک اکاؤنٹ میں 1 کروڑ روپے موجود ہیں۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *