Categories
Breaking news

فضل الرحمان نے اثاثے بنائے انہیں نیب کے سامنے سرنڈر کرنا ہوگا: وزیراعظم

Advertisement

وزیراعظم عمران خان

وزیراعظم عمران خان کی سربراہی میں پارٹی رہنماؤں اور ترجمانوں کا اجلاس ہوا جس میں وزیراعظم نےپارٹی رہنماؤں، ترجمانوں کو اپوزیشن کی قومی احتساب بیورو (نیب) قانون میں مجوزہ ترامیم عوام کے سامنے لانےکی ہدایت کردی۔

وزیراعظم نے کہا کہ اپوزیشن نے نیب قانون میں ترمیم کی شکل میں این آر او مانگا، اپوزیشن کی تحریک کا دوسرا مرحلہ بھی ناکام ہوگا، اپوزیشن کی تحریک صرف این آر او کے لیے ہے، اپوزیشن نے 34 نکات لکھ کر ہم سے این آر او مانگا۔

وزیراعظم عمران خان نے کہا کہ اسرائیل کے حوالے سے پاکستان کا واضح مؤقف ہے۔ اجلاس کے شرکاء نے رائے دی کہ نوازشریف اور مولانا فضل الرحمان اسرائیل کو تسلیم کرنے کیلئے کوششیں کرتے رہے جس پر وزیراعظم نے کہا کہ نوازشریف اور مولانا فضل الرحمان کو ہر فورم پر بےنقاب کریں۔

Advertisement

وزیراعظم نے کہا کہ مولانا فضل الرحمان نے اثاثے بنائے انہیں نیب کے سامنے سرنڈر کرنا ہوگا، کوئی بھی قانون سے بالاتر نہیں۔

وزیراعظم عمران خان نے پارٹی رہنماؤں کو متحرک ہونے کی ہدایت اور کہا کہ ہم جہاد کررہے ہیں مافیا ہمارے خلاف پراپیگنڈہ کررہے ہیں۔

Advertisement

Leave a Reply

Your email address will not be published. Required fields are marked *