Categories
Breaking news

فریال تالپور کی نااہلی کیس بحالی کیخلاف درخواست پر فیصلہ محفوظ

فریال تالپور کی نااہلی کیس بحالی کیخلاف درخواست پر فیصلہ محفوظ

اسلام آباد ہائی کورٹ نے سابق صدر آصف علی زرداری کی ہمشیرہ، پاکستان پیپلز پارٹی کی رہنما فریال تالپور کی الیکشن کمیشن میں نااہلی کیس کی بحالی کے خلاف درخواست پر فیصلہ محفوظ کر لیا۔

اسلام آباد ہائی کورٹ کے چیف جسٹس اطہر من اللّٰہ نے فریقین کے دلائل کے بعد فیصلہ محفوظ کر لیا۔

الیکشن کمیشن کے وکیل نے عدالت کو بتایا کہ پہلے فریال تالپور کو نوٹس جاری کیئے جو ان کو ملے، پھر الیکشن کمیشن نے کیس بحال کیا، پھر فریال تالپور نے نظرِثانی دائر کی، ان کو پورا وقت دیا گیا، ان کی نظرِثانی کی درخواست کمیشن کے سامنے خارج ہوئی، انہیں مکمل موقع دیا گیا۔

زرداری اور فریال کیخلاف نیب ریفرنسز منتقلی کیس ڈی لسٹ

سپریم کورٹ آف پاکستان نے سابق صدر اور پاکستان پیپلز پارٹی (پی پی پی) کے شریک چیئرمین آصف علی زرداری اور ان کی ہمشیرہ فریال تالپور کے خلاف نیب ریفرنسز منتقلی کیس ڈی لسٹ کر دیا۔

فریال تالپور کے وکیل فاروق ایچ نائیک نے عدالت کو بتایا کہ کمیشن نے مجھے سنا ہی نہیں، آپ آرڈر کر دیں کہ مجھے سن کر فیصلہ کر دیں، میں اس میں تو نہیں جانا چاہتا کہ کون سی اتھارٹی کیا کر رہی ہے۔

فاروق ایچ نائیک نے یہ بھی کہا کہ میں تو کچھ نہیں کہوں گا کہ حکومتی وزیر کیا بیانات دے رہے ہیں، میں الیکشن کمیشن کے تمام ممبران کی دل سے عزت کرتا ہوں۔

چیف جسٹس اطہر من اللّٰہ نے فاروق ایچ نائیک سے کہا کہ آپ اسی فورم پر دوبارہ چلے گئے، اگر ڈائریکٹ یہاں آ جاتے تو صوتِ حال مختلف ہوتی۔

فریال تالپور کی نااہلی، الیکشن کمیشن کو سماعت سے روک دیا گیا

اسلام آباد ہائی کورٹ نے سابق صدر آصف علی زرداری کی ہمشیرہ اور پاکستان پیپلز پارٹی کی رہنما فریال تالپور کے خلاف نااہلی کیس کی سماعت سے الیکشن کمیشن کو روک دیا۔

عدالت عالیہ نے الیکشن کمیشن کے فیصلے کے خلاف فریقین کے دلائل کے بعد فیصلہ محفوظ کر لیا۔

واضح رہے کہ پی ٹی آئی کے ایم پی ایز ارسلان تاج اور رابعہ افضل نے فریال تالپور کی نااہلی الیکشن کمیشن میں چیلنج کر رکھی ہے۔

قومی خبریں سے مزید

Original Article

Leave a Reply

Your email address will not be published. Required fields are marked *