Categories
Breaking news

فردوس عاشق نے قادر مندوخیل کو ایک ارب روپے ہرجانے کا نوٹس بھجوادیا

فردوس عاشق نے قادر مندوخیل کو ایک ارب روپے ہرجانے کا نوٹس بھجوادیا

وزیر اعلیٰ پنجاب عثمان بزدار کی معاون خصوصی برائے اطلاعات فردوس عاشق اعوان نے پیپلزپارٹی کے قادر مندوخیل کو پروگرام میں ہراساں کرنے اور بےبنیاد الزامات عائد کرنے پر 1ارب روپے ہرجانے کا قانونی نوٹس بھجوا دیا۔

سوشل میڈیا پر جاری پیغام میں انہوں نے کہا کہ وکلاء سے مشاورت کے بعد پیپلزپارٹی کے قادر مندوخیل کے خلاف قانونی چارہ جوئی کا آغاز کردیا ہے۔

فردوس عاشق اعوان اور قادر مندوخیل میں تلخ جملوں کا تبادلہ

فردوس عاشق اعوان اور پیپلزپارٹی کے رہنما قادر مندو خیل کے درمیان کرپشن کے الزامات پر نجی چینل کے پروگرام میں تلخ کلامی ہوگئی۔

انہوں نے کہا کہ قانونی کارروائی اس لیے کی جارہی ہے تاکہ آئندہ کسی بھی خاتون کے ساتھ بدتمیزی اور گھٹیا رویہ اختیار کرنے کا راستہ روکا جائے۔

فردوس عاشق نے ہرجانے کا نوٹس ایڈوکیٹ ارحم طارق بٹ کے توسط سے بھجوایا ہے۔

فردوس عاشق اعوان کی جانب سے بھجوائے گئے نوٹس کے متن کے مطابق قادر مندوخیل لائیو پروگرام کے دوران بدسلوکی، ہراساں کرنے اور بغیر ثبوت الزامات عائد کرنے پر آئندہ 14 روز میں غیر مشروط معافی مانگیں۔

مریم نفیس کا فردوس عاشق اعوان کی ویڈیو پر ردعمل

اداکارہ مریم نفیس نے سوشل میڈیا پر وائرل فردوس عاشق اعوان اور قادر مندوخیل کی تلخ کلامی اور ہاتھا پائی کی ویڈیو پر ردعمل دیا ہے۔

لیگل نوٹس میں کہا گیا کہ جو الزامات قادر مندوخیل کی جانب سے لگائے گئے ان کا حقیقت سے کوئی تعلق نہیں۔

یہ بھی کہا گیا کہ اگر معافی نہ مانگی گئی توہتک عزت آرڈیننس2002ء کے تحت کارروائی کا آغاز کیا جائے گا۔

لیک ویڈیو سلیکٹو ہے، چاہتی ہوں مکمل ویڈیو لیک ہو، فردوس عاشق

فردوس عاشق اعوان نے قادر مندو خیل سے ہاتھا پائی اور تلخ کلامی کی لیک ویڈیو پر کہنا ہے کہ بدزبانی کی وجہ سے مجھے سیلف ڈیفنس میں انتہائی قدم اٹھانا پڑا

واضح رہے کہ گزشتہ روز وزیر اعلیٰ پنجاب عثمان بزدار کی معاون خصوصی فردوس عاشق اعوان کی پیپلز پارٹی کے رہنما قادر مندو خیل سے ہاتھا پائی اور تلخ کلامی کی ویڈیو لیک ہوگئی تھی۔

فردوس عاشق اعوان کا اس ویڈیو پر ردعمل میں کہنا تھا کہ جو ویڈیو لیک کی گئی ہے وہ سلیکٹو ہے اسی لیے وہ چاہتی ہیں کہ مکمل ویڈیو لیک ہو۔

قومی خبریں سے مزید

Original Article

Leave a Reply

Your email address will not be published. Required fields are marked *