فرحت اللّٰہ بابر کی سپریم کورٹ کے اختیارات محدود کرنے کی تجویز

فوٹو: فائل

پاکستان پیپلز پارٹی (پی پی پی) کے رہنما فرحت اللّٰہ بابر نے پاکستان ڈیموکریٹک موومنٹ (پی ڈی ایم) کو ججز تقرریوں، پروموشنز کے حوالے سے سپریم کورٹ کے اختیارات محدود کرنے کی تجویز دے دی۔

مائیکرو بلاگنگ ویب سائٹ ٹوئٹر پر فرحت اللّٰہ بابر نے پیغام جاری کیا جس میں انہوں نے پی ڈی ایم کو مخاطب کرتے ہوئے تحریر کیا کہ "اگر آپ واقعی ملک میں طاقت میں توازن کو بحال کرنے کے لیے فکرمند ہیں تو آرٹیکل 191 کو پڑھیں اور فیصلہ کن عمل کریں ورنہ بڑبڑانہ بند کریں۔"

فرحت اللّٰہ بابر کے اس پیغام کو چیئرمین پیپلز پارٹی بلاول بھٹو زرداری نے ری ٹوئٹ بھی کیا۔

اپنے مزید ٹوئٹس میں فرحت اللّٰہ بابر کا کہنا تھا کہ ججز کی نامزدگیوں، ترقیوں کا موجودہ نظام عدلیہ کو صرف ججز کے لیے اور ان کے تابع بناتا ہے، اس تاثر کو مستحکم نہیں ہونے دیا جانا چاہیے۔

انہوں نے واضح کیا کہ ان کے بیان کا مقصد کسی کی تذلیل کرنا نہیں ہے، جسٹس فائز عیسیٰ کا حالیہ خط بھی اس حوالے سے ایک اپیل ہے۔

فرحت اللّٰہ بابر کا کہنا تھا کہ 18ویں ترمیم میں ججز کی تقرریوں کا طریقہ کار وضع نہ کرنا پارلیمان کی غلطی تھی جبکہ 19ویں ترمیم میں عدالتوں کے احتساب کو مزید کمزور بنانا بھی پارلیمان کی غلطی تھی۔

پی پی رہنما نے کہا کہ گزشتہ 12 سال کا تجربہ ظاہر کرتا ہے کہ ججز کی تقرری کے طریقہ کار میں ترمیم کی ضرورت ہے۔

فرحت اللّٰہ بابر کا کہنا تھا کہ باہمی لڑائی کی بیماری صرف پارلیمان اور سیاستدانوں تک محدود نہیں دیگر اداروں تک پھیل گئی ہے، معاشرے اور ادارے تقسیم کا شکار ہو رہے ہیں، افسوس سے زیادہ یہ خطرناک امر ہے۔

قومی خبریں سے مزید

Original Article

پاکستانی علماء کے وفد کی کابل میں کالعدم ٹی ٹی پی کی قیادت سے ملاقات

صدر مملکت سے منسوب فوج کے آئینی کردار سے متعلق بیان پر ایوان صدر کی وضاحت

سپریم کورٹ کے باہر ن لیگ، پی ٹی آئی کارکن آمنے سامنے آگئے

مریم نواز کا حکومت کو سخت موقف اپنانے اور ڈٹ جانے کا مشورہ

مجھے اب تک کوئی مداخلت نظر نہیں آ رہی، پرویز خٹک

تاریخ ہے عدالت پر ایک ہی طرف سے حملے ہوئے ہیں، بابر اعوان

ہم سپریم کورٹ انصاف لینے آئے ہیں، شبلی فراز

مفتی تقی عثمانی کی سربراہی میں علما کا وفد کابل پہنچ گیا

کراچی میں آج شام 5 بجے تک ہونے والی بارش کے اعداد و شمار جاری

لاہور: ڈیفنس فیز 5 سے خاتون کو گاڑی سمیت اغوا کرنے کی کوشش

آرمی پروموشن بورڈ اجلاس، 32 بریگیڈیئرز کی میجر جنرل کے عہدے پر ترقی

فضل الرحمان، چوہدری شجاعت ملاقات پر مونس الہٰی کا تبصرہ

تاجروں نے بجلی کے بلوں پر سیلز ٹیکس کی وصولی سندھ ہائی کورٹ میں چیلنج کردی

کراچی: دو دن کی بندش کے بعد گرین لائن بس سروس بحال

بدقسمتی سے سیاست داغ دار اور بدنام ہوگئی، امیر حیدر ہوتی

عمران خان کی چٹھی حلال، شجاعت حسین کی حرام! یہ کیسا انصاف ہے؟ مریم اورنگزیب