Categories
Breaking news

فرانس اور برطانیہ میں کورونا وائرس کے باعث لگائی گئی سفری پابندیوں میں نرمی کر دی گئی

Advertisement

لاک ڈاؤن میں نرمی

فرانس اور برطانیہ میں کورونا وائرس کے باعث لگائی گئی سفری پابندیاں نرم کر دی گئی ہیں اور دونوں ممالک میں بحری، فضائی اور زمینی سفر آج سے دوبارہ شروع کرنے پر اتفاق ہوگیا ہے۔

فرانس اور برطانیہ کے درمیان اشیا کی ترسیل کی بحالی کا معاہدہ بھی طے پا گیا ہے، برطانوی شہریوں کو فرانس میں داخلے کی اجازت مل گئی تاہم داخلے سے پہلے کورونا ٹیسٹ کی رپورٹ پیش کرنا ہوگی۔

فرانس کے وزیر اعظم جین کاسٹیکس کے دفتر کی جانب سے جاری کردہ اعلامیہ میں کہا گیا ہے کہ برطانیہ میں موجود فرانسیسی شہری بدھ سے وطن واپس آ سکتے ہیں تاہم انہیں بہتر گھنٹے پہلے کی کورونا ٹیسٹ منفی آنے کی رپورٹ دکھانی پڑے گی۔

نئی شرائط یورپی یونین کے دیگر ممالک کے شہریوں پر بھی لاگو ہوں گی۔

Advertisement

فرنچ منسٹر برائے ٹرانسپورٹ جان بیپ ٹِسٹ نے بھی سماجی رابطوں کی ویب سائٹ ٹوئٹر پر شیئر کیے گیے ایک کہا ہے کہ فرانس آنے والے مسافروں کو کووڈ ٹیسٹ کروانا ہوگا۔

واضح رہے کہ اتوار کو فرانس نے کورونا وائرس کی نئی قسم سامنے آنے کے بعد برطانیہ پر سفری پابندیاں عائد کی تھیں۔ ان پابندیوں کے باعث اس وقت ڈوور بندرگاہ کے قریب یورپ جانے والے قریباً تین ہزار ٹرک پھنسے ہوئے تھے۔

یہ معاہدہ 6 جنوری 2021 تک نافذ العمل رہے گا تاکہ 31 دسمبر کو اس کا دوبارہ جائزہ لیا جائے گا۔

Advertisement

Leave a Reply

Your email address will not be published. Required fields are marked *