Categories
Breaking news

فخر زمان کے شاندار 193رنز، پاکستان اور جنوبی افریقہ کے سنسنی خیز میچ کا نتیجہ آگیا

Advertisement
Advertisement

فخر زمان کے شاندار 193رنز، پاکستان اور جنوبی افریقہ کے سنسنی خیز میچ کا نتیجہ آگیا

جوہانسبرگ (ڈیلی پاکستان آن لائن) جنوبی افریقہ نے دوسرے ون ڈے میچ میں پاکستان ٹیم کو 17رنز سے شکست دے دی۔

گرین شرٹس 342 رنز کے ہدف کا تعاقب کرتے ہوئے مقررہ 50 اوورز میں نو وکٹوں کے نقصان پر324 رنز ہی بنا پائے۔ پاکستان کی طرف سے فخر زمان ایک بار پھر فام میں نظر آئے۔ انہوں نے جارحانہ بلے بازی کرتے ہوئے 193 رنز بنائے اور آخری وقت تک کریز پر کھڑے نظر آئے۔ وہ آخری اوور کی پہلی گیند پر ڈبل لینے کے چکر میں رن آؤٹ ہوگئے۔

شاہینوں کی جانب سے فخر زمان کے علاوہ کوئی بھی کھلاڑی متاثر کن کارکردگی کا مظاہرہ نہ کرسکا۔ کپتان بابر اعظم 31 رنز کے ساتھ دوسرے ٹاپ سکورر رہے جبکہ آصف علی نے 19، شاداب خان نے 13 اور فہیم اشرف نے 11 رنز بنائے۔

پاکستان اور جنوبی افریقہ کے درمیان دوسرا ون ڈے آج کھیلا جائے گا

قبل ازیں جنوبی افریقہ نے پہلے بیٹنگ کرتے ہوئے مقررہ 50 اوورز میں چھ وکٹوں کے نقصان پر 341 رنز بنائے تھے جس میں چار نصف سنچریاں شامل تھیں۔ کپتان ٹیمبا باووما 90 رنز کے ساتھ ٹاپ سکورر رہے جبکہ وکٹ کیپر بلے باز کوئنٹن ڈی کاک نے 80 رنز کی اننگ کھیلی۔ اس کے علاوہ راسی وان دیر دوسین نے 60 اور ڈیوڈ ملر نے 50 رنز بنائے۔ پاکستان کی جانب سے حارث رؤف نے تین جبکہ شاہین شاہ آفریدی، محمد حسنین اور فہیم اشرف نے ایک ایک کھلاڑی کو پویلین کی راہ دکھائی۔

مزید :

Breaking Newsاہم خبریںکھیل

Original Article

Advertisement

Leave a Reply

Your email address will not be published. Required fields are marked *