فارن فنڈنگ، پی ٹی آئی کو بھارت اور اسرائیل سے پیسہ آیا، بلاول بھٹو

اپوزیشن جماعت پیپلز پارٹی کے چیئرمین بلاول بھٹو زرداری نے کہا ہے کہ الیکشن کمیشن کو عوام کو جواب دینا پڑے گا، الیکشن کمیشن 2014 سے آج تک فارن فنڈنگ کا جواب کیوں نہیں دے سکا۔

عمرکوٹ ضمنی الیکشن میں کامیابی کے بعد عوام سے خطاب میں بلاول بھٹو زردداری نے کہا کہ عمر کوٹ کے عوام نے سلیکٹڈ کو ری جیکٹ کردیا۔

انہوں نے کہاکہ کیا دو سال میں فنڈنگ دینے والوں کو فائدہ پہنچایا گیا، کرپٹ کرپٹ کا شور کرنے والے خود اور پوری جماعت کرپٹ نکلی، مسائل حل کرنے کے لیے غیر جمہوری حکومت کو گھر بھیجنا ہوگا۔

Table of Contents

x
Advertisement

پی پی چیئرمین نے مزید کہا کہ عوام دشمن، جمہوریت دشمن طاقتوں کو جواب دے دیا، عوام نے کٹھ پتلی کو بھگادیا ہے، سیاسی یتیموں کا ٹولہ بھگادیا، جو کل مشرف کے ساتھ تھا، آج عمران خان کے ساتھ ہے۔

ان کا کہنا تھا کہ اب پورے پاکستان سے سلیکٹڈ نظام کو بھگانا ہے، آپ کے ووٹ پر ڈاکہ ڈال کر وزیراعظم بنایا گیا، یہ نالائق، نااہل وزیراعظم ہے۔

بلاول بھٹو زرداری نے یہ بھی کہا کہ مہنگائی کی سونامی میں ہمارے مزدور اور کسان مررہے ہیں، عوام کے ووٹوں سے بننے والی حکومت ان کے مسائل حل کرتی ہے، کسی اور کے اشارے پر حکومت بنانے والے انہی کی طرف دیکھتے ہیں۔

انہوں نے کہا کہ یہ فارن فنڈنگ سے آئے ہیں، پیسہ بھارت اور اسرائیل سے آیا، یہ کون اسرائیل اور بھارت کےشہری ہیں جو عمران خان کو پیسہ دیتے رہے؟

پی پی چیئرمین کا کہنا تھاکہ الیکشن کمیشن 2014 سے آج تک فارن فنڈنگ کا جواب کیوں نہیں دے سکا، حکومت نے ان دو سالوں میں فنڈنگ دینے والوں کو فائدہ پہنچایا۔

اُن کا کہنا تھاکہ کوئی بی آر ٹی میں پشاور میں کرپشن کا جواب نہیں دیتا، کٹھ پتلی کو استعفیٰ دینا ہوگا ورنہ عوام اسلام آباد پہنچ کر چھین لیں گے۔

قومی خبریں سے مزید