Categories
Breaking news

غیر ملکی مسافر کے معاملے پر اے این ایف اور کسٹمز اہلکاروں میں ہاتھا پائی

فوٹو: فائل
فوٹو: فائل

اسلام آباد ایئرپورٹ پر اے این ایف اور محکمہ کسٹمز اہلکاروں میں غیر ملکی مسافر کو حراست میں لینے کے معاملے پر تلخ کلامی اور ہاتھا پائی ہوگئی۔

ذرائع کا کہنا ہے کہ برازیلین شہری ای کے 612 پر دبئی سے اسلام آباد پہنچا تھا، امیگریشن کے بعد برازیلین مسافر انٹرنیشنل ارائیول سے اپنا سامان لے رہا تھا۔

ایئرپورٹ ذرائع کے مطابق اےاین ایف اہلکاروں نے غیرملکی شہری کو حراست میں لینےکی کوشش کی، کسٹمزحکام نے اےاین ایف کو مسافر اور اس کے سامان کو تحویل میں لینے سے روکا۔

ذرائع کا کہنا ہے کہ کسٹمز حکام کے مطابق اسکینگ کے بعد مسافر کو حراست میں لیا جاسکتا ہے۔

ایئرپورٹ ذرائع کے مطابق اے این ایف حکام کا کہنا تھا کہ ان کو مسافر پر منشیات اسمگلنگ کا شبہ ہے، اےاین ایف اہلکار غیر ملکی مسافر کو سامان سمیت گرفتار کر کے ساتھ لےگئے۔

ایئرپورٹ ذرائع کے مطابق اے سی کسٹمز نے برازیلین مسافر کا سامان قبضے میں لے لیا۔

معاملے پر دونوں محکموں کے افسران نے موقف دینے سے گریز کیا۔

قومی خبریں سے مزید

Original Article

Leave a Reply

Your email address will not be published. Required fields are marked *