Categories
Breaking news

غیر ملکی جہاز سے آئے مانچسٹر کے مسافر کا غائب ہوا 42 لاکھ روپے کا سونا برآمد

سی اے اے نے مانچسٹر سے اسلام آباد آنے والی پرواز سے لاپتہ ہونے والا بیگ برآمد کر کے اس کے مالک کے حوالے کر دیا
سی اے اے نے مانچسٹر سے اسلام آباد آنے والی پرواز سے لاپتہ ہونے والا بیگ برآمد کر کے اس کے مالک کے حوالے کر دیا

سول ایوی ایشن اتھارٹی نے مانچسٹر سے اسلام آباد آنے والی پرواز سے لاپتہ ہونے والا بیگ برآمد کر کے اصل مالک کے حوالے کر دیا جس میں 42 لاکھ روپے مالیت کا سونا بھی موجود تھا۔

ترجمان سول ایوی ایشن اتھارٹی کے مطابق مسافر نائب خان 28 جنوری کو مانچسٹر سے اتحاد ایئر ویز کی پرواز سے اسلام آباد پہنچے تھے، جہاز سے اترنے کے دوران طیارے کے کیبن سے ان کے دستی سامان میں شامل ایک بیگ لاپتہ ہو گیا تھا۔

ترجمان کے مطابق مسافر کی جانب سے سول ایوی ایشن اتھارٹی کے شکایتی سیل کو آگاہ کیا گیا، جس پر اسلام آباد ایئر پورٹ کی ٹیم نے آئی پی ایم عدنان کی قیادت میں کام شروع کیا۔

لاہور ایئر پورٹ پر ایمانداری کی مثال قائم شارجہ سے آنے والے مسافر کو سامان مل گیا

ڈائریکٹر سیکیورٹی سلمان عزیز کا کہنا تھا کہ پارکنگ میں نصب جدید سیکیورٹی کیمروں کی مدد سے مسافر کا سامان ڈھونڈ کر اس کے حوالے کیا گیا۔

سول ایوی ایشن اتھارٹی کے عملے نے ایئر پورٹ کی مختلف سی سی ٹی وی فوٹیجز کی مدد سے اسی پرواز کے ایک اور مسافر رب نواز کی نشاندہی کی جنہیں لاپتہ بیگ لے جاتے ہوئے دیکھا گیا۔

سول ایوی ایشن کے عملے نے اس مسافر کا ڈیٹا حاصل کیا، جس سے مسافر کے فراہم کردہ نمبر کا سراغ لگایا اور رابطہ کر کے انہیں ایئر پورٹ بلوایا۔

ترجمان کے مطابق حالات و واقعات سے ظاہر ہوا کہ مسافر رب نواز دوسرے مسافر نائب خان کا دستی بیگ غلطی سے لے گئے تھے۔

کمپلینٹ سیل اور متاثرہ مسافر نے اسے متفقہ طور پر مسافر رب نواز کی غیر مجرمانہ حرکت قرار دیا۔

مسافر کھوئی رقم واپس مل جانے پر PIA کا شکر گزار

کراچی کے جناح انٹرنیشنل ایئرپورٹ میں کھوئی ہوئی رقم واپس ملنے پر مسافر خوشی سے نہال ہوگیا اور عملے کی فرض شناسی کی تعریف کی۔

اسلام آباد انٹرنیشنل ایئر پورٹ پر اترنے کے 13 دن بعد قیمتی بیگ اصل مالک نائب خان کے حوالے کر دیا گیا۔

نائب خان نے آئی آئی اے پی کے عہدے داروں کی محنت اور لگن کی بے حد تعریف کی ہے اور دوسرے مسافر کے خلاف کوئی الزام نہ لگانے کا فیصلہ کیا ہے، جس کے بارے میں ان کے خیال میں یہ صرف ایک معصوم غلطی تھی۔

قومی خبریں سے مزید

Original Article

Leave a Reply

Your email address will not be published.