غیر مشروط مذاکرات کیلئے پی ڈی ایم کی قیادت تیار ہے، رانا ثناء اللّٰہ

رانا ثناء اللّٰہ—فائل فوٹو

وزیرِ داخلہ رانا ثناء اللّٰہ کا کہنا ہے کہ غیر مشروط مذاکرات کے لیے پاکستان ڈیموکریٹک موومنٹ (پی ڈی ایم) کی قیادت تیار ہے، عارف علوی اس کے لیے کردار ادا کر رہے ہیں۔

لاہور میں میڈیا سے گفتگو کرتے ہوئے رانا ثناء اللّٰہ نے کہا کہ عمران خان خیر مذاکرات کی دعوت مجھے تو نہیں دے گا نہ میرے مذاکرات ہو سکتے ہیں، پرویز خٹک، فواد چوہدری، اسد قیصر، شاہ محمود قریشی اور دیگر نے بھی بات کی لیکن واپسی پر اس طرف ان کی بات نہیں مانی جاتی۔

انہوں نے کہا کہ سب سے پہلے معیشت پر بات ہونی چاہیے، ہم ملک کی معیشت کو بچانے کی کوشش کر رہے ہیں وہ تباہ کرنے کی کوشش کر رہے ہیں، لوگوں کو ریلیف ملنا چاہیے۔

وفاقی وزیر نے کہا کہ یہ پروپیگنڈا کر رہے ہیں کہ ملک ڈیفالٹ کر رہا ہے، یہ بار بار ڈیفالٹ کا پروپیگنڈا اس لیے کر رہے ہیں تاکہ ملک واقعی ڈیفالٹ کر جائے، الیکشن ہوا تو پنجاب میں اس بار ہم اکثریت کے ساتھ حکومت بنائیں گے۔

وزیر داخلہ کا کہنا ہے کہ ن لیگ نے نواز شریف سے درخواست کی ہے کہ انتخابی مہم میں موجود ہوں، ن لیگ کی اس درخواست کو نوازشریف نے قبول کر لیا ہے۔

رانا ثناء اللّٰہ نے کہا کہ شوکت ترین کی آڈیو پکڑی گئی تھی جس میں وہ آئی ایم ایف پروگرام کو سبوتاژ کرنے کی بات کر رہے تھے، ان کے پاس اقتدار نہیں تو یہ ملک کی معیشت تباہ کرنے پر تلے ہوئے ہیں۔

ان کا کہنا ہے کہ پوری دنیا سے شہادتیں آ رہی ہیں کہ ن لیگ کی قیادت پر جھوٹے کیسز بنائے گئے، ہم اپنے کیسز کیوں ختم نہ کرائیں، ہمارے کیسز ختم ہو رہے ہیں تو انصاف کے مطابق ہو رہے ہیں۔

مسلم لیگ ن کے رہنما نے کہا کہ ڈیلی میل نے اپنی غلطی تسلیم کی اور معافی مانگی، یہ غلطی انہوں نے شہزاد اکبر کے کہنے پر کی، جھوٹے کیسز میں ان کو بھی قوم سے معافی مانگنی چاہیے، اس نے دوسروں پر جو جھوٹے الزامات لگائے یہ خود اس کرپشن میں ملوث ہے۔

انہوں نے کہا کہ میرا بھی اور ان کا بھی خون کا ٹیسٹ کرایا جائے، یہ کیوں توشہ خانہ پر بات نہیں کرتا، جواب نہیں دیتا کہ کیوں معیشت کو 50 ارب کا ٹیکا لگایا، کل بھی کہا تھا کہ ڈرامے چھوڑوں اسمبلی توڑو، وزیرِ اعلیٰ اسمبلی توڑنے سے پہلے عدم اعتماد کا ووٹ لیں۔

رانا ثناء اللّٰہ کا مزید کہنا ہے کہ فوج منظم ادارہ ہے وہاں کسی بندے کی پالیسی نہیں چلتی کہ باجوہ صاحب کی یا عاصم منیر کی پالیسی ہوگی، فوج میں پالیسی ادارے کی ہوتی ہے پہلے بھی پالیسی ادارے کی تھی اور اب بھی ہے۔

ان کا یہ بھی کہنا ہے کہ اعظم سواتی نے کیا ہمارے متعلق کوئی بات کی جو ہم سیاسی انتقام کا نشانہ بناتے، انہو ں نے 2 اداروں سے متعلق بیان دے کر بدنام کرنے کی کوشش کی، ان کے خلاف ہم نے وہ رویہ نہیں اپنایا جو انہوں نے ہمارے خلاف اپنایا تھا، ہمارے خلاف جھوٹے مقدمات ہیں یہ ختم ہونے چاہیے، یہ انصاف کا تقاضا ہے۔

قومی خبریں سے مزید

Original Article

انسانی حقوق کے عالمی دن پر وزیرِ اعظم اور صدر کا پیغام

بدقسمتی ہے ایک ذہنی مریض ملکی سیاست کا حصہ بن گیا، عبدالقادر پٹیل

ایف آئی اے سائبر کرائم اسلام آباد کی کارروائی، ملزم گرفتار

نوشہرہ: سی ٹی ڈی، پولیس کی کارروائی میں 4 دہشت گرد ہلاک

وزیر خارجہ بلاول بھٹو زرداری کا 2 روزہ دورۂ سنگاپور

سیلاب کی صورت حال پر سندھ اسمبلی کے اجلاس میں ارکان کی عدم دلچسپی

سینیٹر اعظم سواتی کا چک شہزاد میں واقع فارم ہاؤس سیل

تفتیشی افسران کی مکمل تربیت نہ ہونے سے انصاف فراہمی میں مشکلات ہیں، چیف جسٹس

خیبرپختونخوا: خواتین کی تعلیم کیلئے یو ایس ایڈ کے پروجیکٹ کا افتتاح

سوشل میڈیا پر پی ٹی آئی رہنماؤں کا ایک اور جھوٹ پکڑا گیا

ایس سی او کے مقاصد پاکستان کی خارجہ پالیسی اہداف سے ہم آہنگی رکھتے ہیں، اعظم نذیر تارڑ

ایچ ای سی جیسے ادارے محنت سے بنتے ہیں، اختیارات چھین لیے تو سب بے کار ہوجائے گا، سینیٹر عرفان صدیقی

اسمبلیاں توڑنے پر پی ٹی آئی اور ق لیگ میں اختلاف سر اٹھانے لگا؟

پلمبر کو اتوار کو بلایا، وہ جمعرات کو آگیا، زیادتی کے بعد قتل ہونے والی بچی کی والدہ کا انکشاف

پی ٹی آئی سے غیر مشروط بات ہوسکتی ہے، رانا ثناء اللّٰہ

ارشد شریف ازخود نوٹس کیس کی 8 دسمبر کی سماعت کا حکم نامہ جاری

عمران اگر مگر چھوڑیں، اسمبلیاں توڑیں، پرویز الٰہی کو نئے سیٹ اپ میں وزیراعلیٰ بنایا جاسکتا ہے، وزیر داخلہ