عمران سمجھتے ہیں غیر آئینی کام کر کے حکومت میں آسکتے ہیں: سعید غنی

فائل فوٹو—سعید غنی

پاکستان پیپلز پارٹی کے رہنما سعید غنی کا کہنا ہے کہ اقتدار سے جاتے جاتے عمران خان ملک کے لیے بارودی سرنگیں بچھا گئے۔

کراچی میں میڈیا سے بات کرتے ہوئے سعید غنی نے کہا کہ ایک آئینی ادارے کے سربراہ کی تعیناتی کو متنازع بنایا جا رہا ہے، عمران خان ذہنی طور پر مفلوج ہیں۔

انہوں نے کہا کہ عمران خان اور بھارتی میڈیا ایک پیج پر ہیں، پی ٹی آئی چیئرمین ملکی مفادات کا سودا کر رہا ہے۔

سعید غنی کا کہنا ہے کہ عمران خان نے دوست ممالک سے ملنے والے تحائف فروخت کر دیے، ان کو الیکشن کمیشن اور میڈیا سب برے لگتے ہیں۔

صوبائی وزیر نے مزید کہا کہ عمران خان سمجھتے ہیں وہ غیر آئینی کام کر کے حکومت میں آ سکتے ہیں۔

ان کا یہ بھی کہنا ہے کہ پیپلز پارٹی نے سینیٹ کی خالی نشست پر وقار مہدی کو ٹکٹ دیا ہے۔

قومی خبریں سے مزید

پشاورمیں بھتہ خوروں نےجیناحرام کردیا