الیکشن کمیشن نے چیئرمین پی ٹی آئی عمران خان کے الیکشن اخراجات جمع نہ کروانے کے کیس کا فیصلہ محفوظ کر لیا۔
الیکشن کمیشن میں کیس کی سماعت کے دوران عمران خان کی جانب سے بیرسٹر گوہر پیش ہوئے۔
ڈی جی لاء نے بتایا کہ ریٹرننگ آفیسر کے نوٹس کے باوجود اخراجات کی تفصیلات نہیں دی گئیں۔
الیکشن کمیشن کے اسپیشل سیکریٹری نے مؤقف اختیار کیا کہ 8 حلقوں میں عمران خان نے الیکشن لڑا، الیکشن کے 10دنوں کے اندر اخراجات جمع کروانا ہوتے ہیں۔
اُنہوں نے بتایا کہ عمران خان کو 26 اکتوبر تک الیکشن اخراجات جمع کروانے تھے، آر او نے نوٹس جاری بھی کیے۔
اُنہوں نے مزید بتایا کہ عمران خان کی جانب سےغیر مجاز افراد نے تاخیر کی درخواست دی۔
الیکشن کمیشن کے اسپیشل سیکریٹری نے بتایا کہ ننکانہ، مردان، کراچی کے حلقوں سے 30 دن بعد تفصیلات فراہم کی گئیں۔
اُنہوں نے استدعا کی کہ عمران خان نے خود اخراجات کی تفصیلات میں تاخیر کی کوئی درخواست نہیں دی، امیدوار کا نوٹیفکیشن کیس کا فیصلہ ہونے تک جاری نہ کیا جائے۔
الیکشن کمیشن کے وکیل نے بھی اپنے دلائل میں یہی کہا کہ الیکشن اخراجات 10 دن کے اندر جمع نہیں کروائے گئے، الیکشن کمیشن عمران خان کو اخراجات جمع کروانے میں ناکامی پر نااہل کرسکتا ہے، عمران خان سیاسی سرگرمی میں مصروف تھے اور پھر وہ زخمی ہو گئے، لیکن اخراجات جمع کروانے کی مدت ان کے زخمی ہونے سے پہلے ہی گزر چکی تھی۔
بیرسٹر گوہر نے عمران خان کا دفاع کرتے ہوئے کہا کہ عمران خان 3 نومبر کو زخمی ہوئےتھے اور ابھی تک بیڈ ریسٹ پر ہیں، الیکشن کمیشن نوٹس لے سکتا ہے کہ وہ زخمی ہو گئے تھے، الیکشن اخراجات جمع کروانےمیں ناکامی کی ایک ہی سزا ہے کہ نوٹیفکیشن جاری نہ کیا جائے، کیا آپ دوبارہ الیکشن میں چلے جائیں گے؟
قومی خبریں سے مزید
-
توانائی بچت قومی پروگرام، شادی ہالز رات 10، مارکیٹیں 8 بجے بند کرنے کا فیصلہ
حکومت نے توانائی بچت قومی پروگرام کا اعلان کرتے ہوئے شادی ہالز رات 10 بجے جبکہ مارکیٹیں رات 8 بجے بند کرنے کا فیصلہ کر لیا ہے۔
-
بنوں سی ٹی ڈی کمپاؤنڈ میں موجود دہشتگرد ہلاک
بنوں سی ٹی ڈی کمپاؤنڈ کے اندر موجود دہشت گردوں کو ہلاک کر دیا گیا ہے۔
-
اعتماد کا ووٹ: وزیرِ اعلیٰ پنجاب کو چیلنج کا سامنا
پنجاب کے وزیرِ اعلیٰ چوہدری پرویز الہٰی کو ایوان سے اعتماد کا ووٹ لینے کے چیلنج کا سامنا ہے۔
-
پی ٹی آئی کے 123 ارکان کا اسپیکر کے سامنے پیش ہونے کا فیصلہ
پاکستان تحریکِ انصاف (پی ٹی آئی) کے 123 ارکان نے جمعرات کو قومی اسمبلی کے اسپیکر راجہ پرویز اشرف کے سامنے پیش ہونے کا فیصلہ کر لیا۔
-
وزیرِ اعظم شہباز شریف کی زیرِ صدارت وفاقی کابینہ کا اجلاس شروع
وزیرِ اعظم شہباز شریف کی زیرِ صدارت وفاقی کابینہ کا اجلاس شروع ہو گیا ہے، جس میں ایک نکاتی ایجنڈے پر غور کیا جا رہا ہے۔
-
پرویزالہٰی خود کہتے ہیں 90فیصد ارکان اسمبلی توڑنے کے حق میں نہیں، رانا ثناء اللّٰہ
وفاقی وزیرِ داخلہ رانا ثنااللّٰہ نے کہا ہے کہ عدم اعتماد کا پل عبور کرنے دیں، پھر پی ڈی ایم قیادت دوسرے آپشنز پر غور کرے گی، پرویز الہٰی خود کہتے ہیں 90 فیصد ارکان اسمبلی توڑنے کے حق میں نہیں۔
-
پولیس اسٹریٹ کرمنلز کو گرفتار کر رہی ہے، وزیر اطلاعات سندھ
وزیرِ اطلاعات سندھ شرجیل انعام میمن نے کہا ہے کہ سندھ پولیس ایکشن میں ہے اور ملزمان کو گرفتار کیاجا رہا ہے۔
-
ایڈیشنل سیکریٹری کام نہیں کر سکتے تو استعفیٰ دیں: سندھ ہائیکورٹ
سندھ ہائی کورٹ کے جسٹس کے کے آغا نے ایڈیشنل سیکریٹری لوکل گورنمنٹ پر اظہارِ برہمی کرتے ہوئے کہا ہے کہ کام نہیں کر سکتے تو استعفیٰ دیں۔
-
ٹھٹھہ: پکڑی گئی قیمتی سوہا مچھلیاں 50 کروڑ روپے میں نیلام
ٹھٹھہ میں پکڑی گئی قیمتی 591 سوہا مچھلیاں 50 کروڑ روپے میں نیلام کر دی گئیں۔
-
کراچی کے تعلیمی اداروں میں منشیات سپلائی کرنیوالی مرکزی ملزمہ راولپنڈی سے گرفتار
اینٹی نارکوٹکس فورس کے عملے نے راولپنڈی میں بس ٹرمینل پر کارروائی کرتے ہوئے منشیات کی کراچی اسمگلنگ ناکام بنا دی اور خاتون سمیت 2 ملزمان کو گرفتار کر لیا۔