عمران خان کل دھرنے یا جلسے کا اعلان کریں گے؟

—فائل فوٹو

پاکستان تحریکِ انصاف کے چیئرمین، سابق وزیرِ اعظم عمران خان لانگ مارچ کے سلسلے میں کل راولپنڈی میں دھرنے یا جلسے کا اعلان کریں گے۔

ذرائع کا یہ بات بتاتے ہوئے کہنا ہے کہ تحریکِ انصاف کی جانب سے مارچ کے حوالے سے مطالبات کی منظوری کے لیے مختلف آپشنز پر غور جاری ہے۔

ذرائع نے بتایا ہے کہ راولپنڈی میں قافلوں کے پڑاؤ کے لیے مختلف مقامات زیرِ غور ہیں۔

ذرائع کا کہنا ہے کہ پی ٹی آئی رہنماؤں کی جانب سے تجویز دی جا رہی ہے کہ راولپنڈی پہنچ کر مطالبات کی منظوری کے لیے حکومت کو ڈیڈ لائن دی جائے۔

پی ٹی آئی رہنماؤں نے تجویز دی ہے کہ جب تک حکومت قبل از وقت انتخابات کا اعلان نہیں کرتی دھرنا دیا جائے۔

ذرائع نے بتایا ہے کہ پارٹی رہنماؤں کی تجاویز پر آج لاہور کے زمان پارک میں مزید مشاورت ہو گی۔

قومی خبریں سے مزید

آرمی چیف پر وزیرِ اعظم کی ایڈوائس آئی تو عمل کرینگے: صدر عارف علوی