عمران خان کا ایک بار پھر سابق آرمی چیف پر الزام

سابق وزیراعظم اور چیئرمین پاکستان تحریک انصاف (پی ٹی آئی) عمران خان نے ایک بار پھر سابق آرمی چیف پر الزام لگادیا۔

ایک ٹی وی انٹرویو میں عمران خان نے استفسار کیا کہ جب پاک افغان سرحد پر باڑ ٹوٹ رہی تھی تو کیا ہمیں پتا نہیں چلا؟

پی ٹی آئی چیئرمین نے الزام لگایا کہ اُس وقت دراصل ہماری فورس کو پولیٹیکل انجینئرنگ میں لگایا ہوا تھا۔

انہوں نے کہا کہ میں نے سابق آرمی چیف جنرل قمر جاوید کو اُس وقت بار بار کہا کہ ہمیں محتاط رہنا چاہیے، دہشت گردی بڑھ سکتی ہے۔

پی ٹی آئی چیئرمین نے مزید کہا کہ اب میر علی اور میران شاہ میں طالبان کے جھنڈے لگا رہے ہیں۔

ان کا یہ بھی کہنا تھاکہ ہمیں سیکیورٹی فورسز پر اعتماد ہے لیکن ہمارے پاس ایک اور جنگ لڑنے کا پیسہ نہیں۔

عمران خان نے کہا کہ آئی ایس آئی ایک منظم اور باصلاحیت ادارہ ہے، اسے پولیٹیکل انجینئرنگ کے بجائے احتساب کے لیے استعمال کرنا چاہیے۔

قومی خبریں سے مزید

والد اس وقت بالکل ٹھیک ہیں لیکن اسپتال میں ہیں، بیٹا مولانا طارق جمیل