Categories
Breaking news

عمران خان نے ایک بار پھر بیرون ملکی سازش کے حوالے سے امریکہ کا نام لے دیا ، نوجوانوں کو احتجاج کی ہدایت کردی 

عمران خان نے ایک بار پھر بیرون ملکی سازش کے حوالے سے امریکہ کا نام لے دیا ، نوجوانوں کو احتجاج کی ہدایت کردی 

اسلام آباد(ڈیلی پاکستان آن لائن)وزیراعظم عمران خان نے کہا ہے کہ نوجوانوں سے اس لیے بات کرنا چاہتا ہوں کہ پاکستان اس وقت فیصلہ کن موڑ پر کھڑا ہے ، یہ قوم کے نوجوانوں کے مستقبل کی جنگ ہے ، اس سے ملک دو راستوں پر جا سکتا ہے ، ایک بہتری کا راستہ ہے اور دوسرا تباہی کا راستہ ہے ۔ بہتری کا راستہ مشکل ہوتا ہے اور آزمائشیں آتی ہیں ۔ان کا کہنا تھا کہ آج پاکستان کی سیاست اس جگہ پہنچ گئی کہ قوم نے فیصلہ کرنا ہے کہ ملک کو کدھر لے کر جانا ہے ،خاص طور پر نوجوانوں کو سوچنا ہے کہ انہوں نے اچھائی کا ساتھ دینا ہے یا برائی کے ساتھ کھڑے ہونا ہے ۔وزیراعظم نے کہا کہ ثابت ہو گیا ہے کہ باہر سے پوری سازش تھی ، عمران خان کو ہٹائیں گے تو امریکہ کے تعلقات اچھے ہوجائیںگے ۔

ایک طرف پی ٹی آئی کی کارکنوں کو ڈی چوک پہنچنے کی کال، دوسری جانب ریڈ زون کو سیل کرنے کا عمل شروع کردیا گیا

قوم سے لائیو ٹیلی فونک گفتگو سے قبل نوجوانوں کے لیے پیغام دیتے ہوئے عمران خان نے کہا کہ جب کوئی اچھا ئی اور برائی میں نیوٹرل ہوتا ہے تو وہ برائی کے ساتھ کھڑا ہے ، مولانارومی کا قول ہے کہ جو قوم اچھائی برائی میں تمیز نہیں کرتی وہ تباہ ہوجاتی ہے ،اس لیے میں کہتا ہوں کہ نیوٹرل ہونابرائی کا ساتھ دینے کے مترادف ہے ۔وزیراعظم نے کہا کہ میں چاہتا ہوں کہ سب نوجوان احتجاج کریں ، اپنے ملک کے لیے احتجاج کریں، احتجاج کرنا نوجوانوں کا حق ہے ،احتجاج پر امن ہو گا ، کسی قسم کا ملک کو نقصان نہ پہنچائیں ۔انہوںنے مزید کہا کہ جب قوم اچھائی کے ساتھ کھڑی ہو جاتی ہے تو غداروں کے لیے بری خبر ہوتی ہے ۔

"عثمان بزدار دوبارہ استعفیٰ دیں" ن لیگ کا رات گئے مطالبہ

مزید :

Breaking Newsاہم خبریںقومی

Original Article

Leave a Reply

Your email address will not be published.