عمران خان نواز شریف اور شہباز شریف سے ملنا چاہیں تو وہ انکار نہیں کریں گے، رانا ثناء اللّٰہ

وفاقی وزیر داخلہ رانا ثناء اللّٰہ کا کہنا ہے کہ عمران خان الیکشن کی تاریخ کے حوالے سے نواز شریف اور شہباز شریف سے ملنا چاہیں تو وہ انکار نہیں کریں گے۔

اسلام آباد میں میڈیا سے گفتگو کرتے ہوئے رانا ثناء اللّٰہ نے کہا کہ عمران خان آپ سیاسی مخالف ضرور ہیں مگر دشمن نہیں، قبل از وقت انتخابات چاہتے ہیں تو سیاستدانوں سے ڈائیلاگ کریں، ڈیڈ لاک بات چیت سے ہی ختم ہوتے ہیں۔

انہوں نے کہا کہ عمران خان کو پنڈی سے الیکشن کی تاریخ نہیں ملے گی، اسٹیبلشمنٹ آپ کو الیکشن کی تاریخ نہیں لے کر دے گی۔

ان کا کہنا تھا کہ عمران خان آپ سیاستدان بنیں اس قوم نے آپ کو سیاستدان بنایا ہے، پارلیمنٹ میں واپس آئیں، پنڈی جانے کے بجائے حکومت، اتحادیوں اور سیاستدانوں سے ملیں۔

وفاقی وزیر نے کہا کہ عمران خان کہتے ہیں سیاسی مخالفین کے ساتھ بیٹھنے کے بجائے مرنے کو ترجیح دوں گا، یہ رویہ درست نہیں، انہوں نے اپوزیشن کو جیلوں میں ڈالا، ان کا خاتمہ کرنے کی کوشش کی۔

ان کا کہنا تھا کہ سیاستدان جب گفتگو کرتے ہیں تو ڈیڈلاک ٹوٹتے ہیں، ہم نے آپ کے سیاسی نظریات میں خامیوں کی نشاندہی کی ہے، آپ ناکام ہوچکے، اپنی ضد چھوڑ دیں۔

رانا ثناء اللّٰہ نے کہا کہ آپ نے پچھلے چند ماہ جو کچھ کہا کوئی آپ کی بلیک میلنگ میں نہیں آیا، اسٹیبلشمنٹ کسی قیمت پر اپنے آئینی کردار سے پیچھے نہیں ہٹے گی۔

ان کا کہنا تھا کہ جو بھی پاکستان کو عدم استحکام کا شکار کرنا چاہتا ہے وہ پی ٹی آئی اجتماع پر حملہ کرسکتا ہے، القاعدہ نے خود نہیں آنا انہوں نے تو مقامی ایجنٹ ہی استعمال کرنا ہے۔

انہوں نے کہا کہ حزب اختلاف اور حزب اقتدار دو پہیے ہیں، ان کے بغیر گاڑی نہیں چل سکتی، سیاسی قیادت مل کر نہیں بیٹھے گی تو کسی اور طرف کی کوشش کامیاب نہیں ہوگی۔

وفاقی وزیر کا کہنا تھا کہ ڈی جی آئی ایس آئی اور ڈی جی آئی ایس پی آر نے پریس کانفرنس میں کہا ہے کہ وہ غیر سیاسی ہیں، امید ہے جنہوں نے اعلان کیا ہے وہ قومی سطح پر یقینی بنائیں۔

انہوں نے مزید کہا کہ جنہوں نے سیاست سے الگ رہنے کا فیصلہ کیا ہے ان کا کام ہے، نواز شریف کی واپسی کا آرمی چیف کی تقرری سے کوئی تعلق نہیں۔

قومی خبریں سے مزید

Original Article

پی ٹی آئی کو فیض آباد جلسے کی تیاری سے پھر روک دیا گیا

چیئرمین JCSC جنرل ندیم رضا کے اعزاز میں خصوصی تقریب

کراچی،ناظم آباد میں تیز دھار آلے کے وار سے نوجوان لڑکی شدید زخمی

کراچی میں ڈکیتی، شہری 1 کروڑ 12 لاکھ روپے سے محروم

پاکستان میڈیکل کمیشن نے 30 دن میں ڈاکٹروں کی غفلت کے 60 کیسز حل کرلیے

پشاور میں پولیس SHO کا علاقے میں مسائل شریعت کے مطابق حل کرنے کا اعلان

خاران میں زلزلے کے جھٹکے

عمران خان کو کسی کیخلاف بغیر ثبوت بات نہیں کرنی چاہیے: فیصل واؤڈا

کراچی: موٹر سائیکل کی ٹکر سے بچہ کنویں میں گر کر جاں بحق

ناصر حسین شاہ کا فواد چوہدری کے زرداری سے متعلق بیان پر ردعمل

نئے آرمی چیف کی تعیناتی کے بعد قیاس آرائیوں کا سلسلہ اب بند ہوجانا چاہیے، وزیراعلیٰ پنجاب

اسلام آباد انتظامیہ رکاوٹیں ڈال رہی ہے، شبلی فراز

عمران خان کے ہیلی کاپٹر کی پریڈ گراؤنڈ میں لینڈنگ کی ایک اور درخواست

امریکی سفارتخانے کی نئے آرمی چیف جنرل عاصم منیر کو مبارکباد

سردی سے متاثرینِ سیلاب کی مشکلات بڑھ رہی ہیں: خواجہ آصف

ریلوے میں 230 تیز رفتار کوچز شامل کرنے کا فیصلہ