عمران خان مشکل فیصلے کریں تو آڈیو آجاتی ہیں، مسرت چیمہ

پنجاب حکومت کی ترجمان مسرت جمشید چیمہ نے کہا ہے کہ عمران خان کے مشکل فیصلے آتے ہی آڈیو اور ویڈیو لیکس آنے لگتی ہیں۔

زمان پارک لاہور میں فواد چوہدری کے ہمراہ میڈیا سے گفتگو میں مسرت جمشید چیمہ نے کہا کہ پی ٹی آئی لیڈرشپ کو بلیک میل کرنے کےلیے یہ سب کیا جاتا ہے۔

انہوں نے کہا کہ آڈیو، ویڈیو لیکس سوائے ڈیپ فیک ٹیکنالوجی کے کچھ بھی نہیں ہے، اس ٹیکنالوجی کا استعمال پاکستان میں سب سے زیادہ ہوا ہے۔

ترجمان پنجاب حکومت نے مزید کہا کہ جھوٹے اور گھٹیا قسم کے پروپیگنڈے کا جواب عوام اپنے ووٹ سے دیں گے۔

عمران خان کی 3 مبینہ آڈیوز سامنے آئی ہیں، جن میں غیر اخلاقی اور قابل اعتراض گفتگو کی جارہی ہے۔

ان آڈیوز کے سامنے آنے کے بعد سوشل میڈیا پر عمران خان کے حق اور مخالفت میں بحث جاری ہے۔

قومی خبریں سے مزید

اسپیکر پنجاب اسمبلی نے اجلاس جمعہ تک ملتوی کردیا