Categories
Breaking news

عمران خان خود اعتراف کررہے ہیں کہ نااہل بھی ہے ، نالائق بھی، مریم نواز

عمران خان خود اعتراف کررہے ہیں کہ نااہل بھی ہے ، نالائق بھی، مریم نواز

پاکستان مسلم لیگ (ن) کی نائب صدر مریم نواز کا کہنا ہے کہ ایک آدمی جو بائیس سال دربدر کی خاک چھانتا رہا لیکن عوام نے اسے گھاس نہيں ڈالی ، اسی نالائق کو اٹھاکر عوام کے سر پرمسلط کردیا گیا۔آج وہ بڑی ڈھٹائی سے ٹی وی پر آکر کہتاہے کہ اسے کام کرنا نہیں آتا ،وہ خود اعتراف کررہا ہےکہ نااہل بھی ہے ، نالائق بھی ہے۔

Advertisement

گڑھی خدابخش میں بے نظیر بھٹو کی برسی کے موقع پر ہونے والے جلسے سے خطاب کرتے ہوئے مریم نواز نے وزیر اعظم عمران خان پر تنقید کرتے ہوئے کہا کہ تمہیں یہ کہنا چاہیے کہ تیاری کے بغیر حکومتوں میں نہیں لایا جانا چاہیے۔

Table of Contents

x
Advertisement

مریم نواز نے کہا کہ اس نالائقی کی وجہ سے مہنگائی ہورہی ہے، خودکشیاں ہورہی ہیں ، وہ کہتا ہے کہ میں کیا کروں۔

انہوں نے کہا کہ یہ شخص پی ڈی ایم سے این آر او کی بھیک مانگتا ہوا نظر آرہا ہے ، یہ اکیلا کھڑا ہے ، یہ ناکام ہے ہارا ہوا ہے ، اس لیے اب کسی کو کوئی پیغام بھیجتاہے، کبھی کوئی پیغام رساں بھیجتاہے۔

مریم نواز نے کہا کہ شہباز شریف سے ملنے کے لیے خاندان والوں کو ہفتہ ہفتہ درخواست دینی پڑتی ہے ، ان کا پیغام رساں آئے تو جیل کے دروازے کھول دیئے جاتے ہیں۔

رہنما مسلم لیگ ن نے کہا کہ اپوزیشن مہنگائی کی بات کرتی ہے تو کہتے ہو کہ اپوزيشن فوج کو بدنام کررہی ہے۔

یہ بھی پڑھیے

انہوں نے کہا کہ جب یہ وزیراعظم بن کر امریکا گیا اپنی فوج پر حملے شروع کردیئے ایک پیج ، ایک پیج کی رٹ لگا کر جتنا تم نے فوج کو بدنام کیا شاید ہی پاکستان کی تاریخ میں کسی نے کیا ہو۔

مریم نواز نے کہا کہ یہ ملک اب اسطرح نہيں چلے گا ، نظریئے کو پھانسی نہيں لگ سکتی ، نظریئے کو جلاوطنی نہيں ہوسکتی۔

نائب صدر ن لیگ نے کہا کہ میں بلاول اور تمام سیاسی قیادت چارٹر آف ڈیموکریسی کو نہ صرف لے کر چلیں گے بلکہ آگے بھی بڑھائيں گے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *