عمران خان بتائیں ایسا ہیرا ہے جسے 5 سو روپے میں بیچ سکتے ہیں؟ شاہزیب خانزادہ

—فائل فوٹو

’جیو نیوز‘ کے پروگرام ’شاہزیب خانزادہ کے ساتھ‘ کے میزبان شاہزیب خانزادہ نے توشہ خانہ کی گھڑی بیچنے سے متعلق چیئرمین پی ٹی آئی، سابق وزیرِ اعظم عمران خان سے سوالات پوچھ لیے۔

سینئر اینکر پرسن شاہزیب خانزادہ کا ’جیو نیوز‘ سے خصوصی گفتگو کرتے ہوئے کہنا ہے کہ ہم نے عمران خان سمیت تحریکِ انصاف کے رہنماؤں کو جواب دینے کا موقع دیا، عمران خان کو جہاں مقدمہ کرنا ہے کر دیں، ان کی نظر میں عمر فاروق ظہور فراڈ ہیں تو یہ عمران خان کو بتانا ہے یا ہم نے؟ عمران خان جسے فراڈ کہہ رہے ہیں اس ملک کے تحفے اس شخص کے پاس کیوں ہیں؟ عمران خان یہ نہیں بتا رہے کہ ملکی تحفے اس فراڈ آدمی کے پاس کیسے پہنچے؟

انہوں نے کہا ہے کہ تحائف عمر فاروق ظہور کو نہیں بیچے تو کس کو بیچے؟ عمران خان صاحب کا قانونی حق ہے کہ جس عدالت میں مرضی جائیں کیس کریں، ہم قانونی طور پر اس کا سامنا کریں گے، ہم نے وکلاء سے بات کر کے اسٹوری کی، ہم جو بھی اسٹوری کرتے ہیں اس کی مکمل تحقیق کرتے ہیں۔

شاہزیب خانزادہ نے کہا کہ عمر فاروق اگر جھوٹ بول رہے ہیں تو خان صاحب یہ بتائیں کہ انہوں نے تحفے کسے بیچے؟ یہ بتانے کی ذمے داری ہماری نہیں خان صاحب کی ہے، گھڑی کسے بیچی خان صاحب نہ اس کا نام بتانے کو تیار ہیں نہ تفصیلات دینے کو تیار ہیں۔

’جیو نیوز‘ کے سینئر اینکر پرسن نے کہا کہ ہم جو بھی اسٹوری کرتے ہیں اس کی مکمل تحقیق کرتے ہیں، عمران خان چاہیں تو ہمارے شو میں آئیں اور ان سوالات کے جواب دیں، تحائف کسے فروخت کیے؟ خان صاحب منی ٹریل دینے کو تیار نہیں۔

شاہزیب خانزادہ کا کہنا ہے کہ ہم جب بھی ان کے رہنماؤں کو پروگرام میں آنے کی دعوت دیتے ہیں تو وہ ذاتی حملے کرتے ہیں، اس کے باوجود ہم یقینی بناتے ہیں کہ تحریکِ انصاف کے رہنماؤں کو دعوت دیں، ہم نے ان کو موقع دیا اور جو انہوں نے ٹوئٹ کیے ہم نے ان کو بھی عوام کے سامنے رکھا۔

’جیو نیوز‘ کے سینئر اینکر پرسن نے کہا کہ ابھی تک الزام عمران خان پر نہیں لگا تھا، فرح گوگی صاحبہ اور شہزاد اکبر پر الزام لگا تھا، عمران خان یقینی بناتے ہیں کہ جب بھی الزام فرح گوگی پر لگے تووہ خود ان کا دفاع کرنے آ جاتے ہیں، وہ اسے اپنا فرض سمجھتے ہیں، عمران خان ضرور قانونی طور پر پاکستان اور لندن میں کارروائی کریں ہم ان کا سامنا کریں گے۔

شاہزیب خانزادہ نے کہا کہ عمران خان اس کا نام بتانے سے کترا رہے ہیں جسے گھڑی بیچی، قوم کو اس کا نام بتا دیں، خان صاحب نے روایت بنا لی ہے کہ آپ مجھ سے سوال کیوں پوچھتے ہیں، جبکہ سوال پوچھنا ہمارا حق ہے، جس صحافی نے یہ اسکینڈل کور کیا اس کے ساتھ کیا کیا ہوا وہ اپنی کہانی بار بار بتا رہا ہے، اس صحافی اور اس کی والدہ کو دھمکیاں دی گئیں، 2 بار نوکری سے نکلوایا گیا، خان صاحب اس کا جواب دیں۔

’جیو نیوز‘ کے سینئر اینکر پرسن نے کہا کہ سابق وزیر فیصل واؤڈا نے کل ایک تصویر شیئر کی ہے جس میں ان کے ساتھ عمر فاروق اور کچھ سعودی آفیشل ہیں، فیصل واؤڈا کہہ رہے ہیں کہ ان سے ہم عمران خان کی ہدایات پر ملے تھے تو اس کا جواب عمران خان دیں۔

شاہزیب خانزادہ نے کہا کہ ایک پین جس میں ساڑھے 14 سو ہیرے ہیں اور خان صاحب نے اسے ڈکلیئر 15 لاکھ روپے میں کیا ہے، خان صاحب جواب دیں کیا کوئی ایسا ہیرا ہے جو1 ہزار روپے میں مل جاتا ہے، عمران خان صاحب پھر قوم کو بتا رہے ہیں کہ اسے ساڑھے 7 لاکھ روپے میں بیچ دیا ہے، خان صاحب بتائیں کہ کوئی ایسا ہیرا ہے جسے آپ 5 سو روپے میں بیچ سکتے ہیں؟

توشہ خانے والی گھڑی بیچنے سے متعلق شاہ زیب خانزادہ نے عمران خان سے درج ذیل سوالات پوچھے ہیں:

فرح کے ذریعے کیوں تحائف 20 لاکھ ڈالر کیش میں بیچے؟
عمران نے نہیں بیچے تو تحائف عمر فاروق ظہور تک کیسے پہنچے؟
تحائف عمر فاروق ظہور کو نہیں بیچے تو کس کو بیچے؟
تحائف بیچ کر پیسے پاکستان لائے گئے یا نہیں؟
پیسے لائے گئے تو بینکنگ ٹرانزیکشن کہاں ہے؟
پیسے پاکستان نہیں لائے تو اتنی بڑی رقم کہاں گئی؟
28 کروڑ کی جگہ ان تحائف کی پونے 6 کروڑ روپے میں فروخت کیوں دکھائی؟
کیا ایسا کر کے ٹیکس بچایا یا منی ٹریل چھپائی گئی؟
2019ء میں تحائف کی قیمت 1 ارب 70 کروڑ روپے تھی، اس کے محض 2 کروڑ 12 لاکھ روپے ادا کر کے تحائف کیوں لیے؟
خزانے کو 1 ارب 68 کروڑ روپے کا نقصان کیوں پہنچایا؟
عمران خان فرح گوگی کا دفاع کرنے خود کیوں آ جاتے ہیں؟
جس شخص کو گھڑی بیچی ہے اس کا نام بتا دیں؟

قومی خبریں سے مزید

Original Article

سعودی عرب سے عمران خان کو ملے تحائف کی تصاویر منظرِ عام پر

مریم اورنگزیب کا عمران خان کو عدالت جانے کا چیلنج

ہیلی کاپٹر کیس فائنل کر دیا ہے: چیئرمین نیب

ارشد شریف قتل کیس کا ٹرائل پاکستان میں ہو سکتا ہے: عدالت

ارشد شریف کی تفصیلی پوسٹ مارٹم رپورٹ جیونیوز نے حاصل کر لی

عمران خان جس شرٹ پر دستخط کردے وہ کروڑوں کی ہو جاتی ہے، وسیم شہزاد

اِدھر اُدھر کی باتیں مت کرو، رسیدیں نکالو، مریم نواز

اگر تحائف عمر فاروق کو نہیں بیچے تو کس کو بیچے، جاوید لطیف

جناح انٹرنیشل ایئرپورٹ کے روٹ پر بھی پیپلز بس سروس چلانے کا فیصلہ

ارشد شریف کو گولیاں لگتےہی فوری اسپتال نہیں لے جایا گیا، امریکی نشریاتی ادارہ

توہینِ عدالت کیس:عمران خان نے جواب جمع کرا دیا

ایسی کیا مجبوری تھی کہ سعودی ولی عہد کا تحفہ آپ نے بیچ دیا، عطا تارڑ

شیخ رشید مسجد نبویؐ واقعے میں بے گناہ قرار

دبئی کے خریدار کا بیان عمران کی کرپشن کا ثبوت ہے، حافظ حمد اللّٰہ

15 دن کے اندر بہتر فیصلے ہوں گے، شیخ رشید

عمران خان نے قانون کے مطابق گھڑی خریدی: فواد چوہدری

پی ٹی آئی احتجاجی دھرنوں کیخلاف درج مقدمات پر مکمل تحقیقات کریں گے، سی پی او راولپنڈی

توشہ خانہ، خریدار سامنے آگیا، دبئی کی کاروباری شخصیت نے عمران خان کو سعودی ولی عہد سے ملے تحائف 20 لاکھ ڈالر میں خریدے