Categories
Breaking news

عمران خان آج پھر شہباز شریف کے منصوبوں پر تختیاں لگائیں گے، عظمیٰ بخاری

Advertisement
عمران خان آج پھر شہباز شریف کے منصوبوں پر تختیاں لگائیں گے، عظمیٰ بخاری

مسلم لیگ نون پنجاب کی ترجمان عظمیٰ بخاری کاکہنا ہے کہ عمران خان ایک بار پھر شہباز شریف کے منصوبوں پر تختیاں لگانے چکوال جا رہے ہیں، وزیراعظم سابق روایات کو برقرار رکھتے ہوئے شہباز شریف کی تختیاں اتار کر اپنی تختیاں لگائیں گے، سونامی، تبدیلی اور بکسے چوری کا سفر دوسروں کے منصوبوں پر ٹھپے لگانے پر ختم ہو رہا ہے۔

وزیر اعلیٰ پنجاب کی معاون خصوصی ڈاکٹر فردوس عاشق کے بیان پر ردعمل میں عظمیٰ بخاری نے کہاکہ عوامی خدمت کے دعوےداروں نے عوام سے دو وقت کی روٹی بھی چھین لی ہے۔

عمران خان آج چکوال میں 500 بستروں کے اسپتال کا سنگ بنیاد رکھیں گے، فردوس عاشق

وزیراعلیٰ پنجاب عثمان بزدار کی معاون خصوصی فردوس عاشق اعوان کا کہنا ہے کہ وزیراعظم عمران خان آج چکوال میں 500بستروں کے اسپتال کا سنگ بنیاد رکھیں گے۔

x
Advertisement

انہوں نے کہا کہ عمران خان اپنی اے ٹی ایمز اور عثمان بزدار اپنےفرنٹ مینوں کو نوازنے میں مصروف ہیں، ایسے مفاد پرست ٹولے سے عوامی فلاح کی توقع رکھنا فضول ہے۔

ان کاکہنا تھا کہ ملکی اور غیر ملکی قرضوں کا بوجھ عمران حکومت کا قوم کیلئے تحفہ ہے، نیا پاکستان ہاؤسنگ اسکیم خلاء میں بن رہی ہے، یہ ڈھائی سال میں ایک گھر بھی تعمیر نہیں کر سکے، سلطنت شغلیہ خیالی پلاؤ اور خواب میں دودھ اور شہد کی نہریں بہا رہے ہیں۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *