Categories
Breaking news

عمران الیکشن کمشنر کا نام دینے والے نیوٹرل کا نام بتائیں، (ن) لیگ، پی پی

عمران الیکشن کمشنر کا نام دینے والے نیوٹرل کا نام بتائیں، (ن) لیگ، پی پی

مسلم لیگ (ن) اور پیپلز پارٹی نے سابق وزیراعظم و چیئرمین تحریک انصاف عمران خان سے الیکشن کمشنر کا نام دینے والے نیوٹرل کا نام بتانے کا مطالبہ کردیا۔

سندھ کے وزیر سعید غنی کہتے ہیں عمران خان جن پر بوٹ پالش کا الزام لگاتے ہیں، انہوں نے ایسے کوئی کام نہیں کیے، عمران خان جھوٹے ثابت ہوچکے ہیں۔

سعید غنی کا کہنا ہے کہ عارف نقوی لندن میں پکڑا گیا تو اس نے عمران خان کا نام بطور ریفرنس لکھوایا۔ عمران خان نے کے الیکٹرک پر واجب الادا سوئی سدرن کے پیسے معاف کردیے تھے۔

دوسری جانب (ن) لیگ کے ملک احمد خان کا کہنا ہے کہ عمران خان بتائیں کس نیوٹرل کے کہنے پر وہ اس چیف الیکشن کمشنر پر راضی ہوئے تھے۔

امیدوار نہیں ملے، اس لیے عمران 9 نشستوں پر انتخاب لڑیں گے، احسن اقبال

مسلم لیگ (ن) کے رہنما اور وفاقی وزیر منصوبہ بندی احسن اقبال نے کہا ہے کہ تحریک انصاف کو ضمنی انتخابات میں 9 نشستوں پر اُمیدوار نہیں مل رہے ، اس لیے عمران خان نے خود الیکشن لڑنے کا فیصلہ کیا ہے ۔

واضح رہے کہ بدھ کو ایک انٹرویو میں سابق وزیراعظم عمران خان نے کہا تھا کہ نیوٹرلز نے چیف الیکشن کمشنر سکندر سلطان کی گارنٹی دی تھی، ہم نے بڑی حماقت کی کہ ہم نے اس آدمی کو تسلیم کرلیا۔

قومی خبریں سے مزید

Original Article

Leave a Reply

Your email address will not be published.