علی سدپارہ سمیت دیگر دو کوہ پیماؤں کی تلاش میں جدید آلات کی مدد سے آج دوبارہ سرچ آپریشن شروع کر دیا گیا ہے۔

ہوم سیکرٹری گلگت بلتستان محمد علی رندھاوا کے مطابق علی سدپارہ سمیت دیگر دو لاپتہ کوہ پیماؤں کی تلاش آج دوبارہ شروع کی گئی ہے۔

Table of Contents

x
Advertisement

محمد علی رندھاوا نے بتایا کہ سرولینس طیارے کے ذریعے لاپتہ کوہ پیماؤں کو تلاش کیا جائے گا، کوہ پیماؤں کی زمینی تلاش کے لئے ہائی پوٹرز بھی بیس کیمپ میں موجود ہیں۔

طیارے میں FLIR سسٹم نصب ہے، انفرڈ ریڈار ٹیکنالوجی کو لاپتہ افراد کی تلاش کے لیے استعمال کیا جاتا ہے۔

گزشتہ روز بھی موسم صاف نہ ہونے کے سبب ریسکیو آپریشن شروع نہیں ہوسکا تھا جبکہ علی سدپارہ کے صاحبزادے ساجد سدپارہ نے والد کے زندہ بچ جانے کی امید چھوڑ دی ہے۔

اسکردو میں میڈیا سے گفتگو میں ان کا کہنا تھا کہ اب ان کے والد کے زندہ بچنے کے چانسز نہ ہونے کے برابر ہیں، ساجد سدپارہ نے مزید کہا کہ اُن کے والد کی میت کی تلاش کے لیے سرچ آپریش کیا جانا چاہیے۔

واضح رہے کہ پاکستانی کوہ پیما علی سدپارہ اور دو غیر ملکی کوہ پیما کے ٹو کی سرمائی مہم جوئی کے دوران 5 فروری سے لاپتہ ہیں۔

قومی خبریں سے مزید