Categories
Breaking news

عظمیٰ بخاری نے استعفیٰ پارٹی قیادت کو جمع کرادیا

Advertisement
عظمیٰ بخاری نے استعفیٰ پارٹی قیادت کو جمع کرادیا

حکومت مخالف اتحاد پاکستان ڈیمو کریٹک موومنٹ ( پی ڈی ایم) کی جانب سے ارکان اسمبلی کو استعفے پارٹی قیادت کو جمع کرانے کی ہدایت کے بعد مسلم لیگ نون کی رہنما عظمیٰ بخاری نے بھی استعفیٰ پارٹی قیادت کو جمع کرادیا۔

عظمیٰ بخاری نے اپنے استعفے میں کہا کہ 2018 ء کا الیکشن معلوم اور نامعلوم مخلوق کی جانب سے ڈیزائن کیا گیا۔

نون لیگی اراکینِ اسمبلی کے ایک کے بعد ایک استعفے

اپوزیشن اتحاد پاکستان ڈیموکریٹک موومنٹ (پی ڈی ایم) کی حکومت مخالف تحریک جاری ہے جس کے تحت مسلم لیگ نون کے ارکانِ قومی و صوبائی اسمبلی کی جانب سے پارٹی قیادت کو استعفے بھیجنے کا سلسلہ بھی جاری ہے۔

x
Advertisement

انہوں نے کہا کہ الیکشن انجینئرڈ ہونے کے باوجود نون لیگ نے 129 سیٹیں حاصل کیں اور پنجاب میں پی ٹی آئی کے حصے 120 سیٹیں آئیں۔

استعفے کے متن میں کہا گیاہےکہ الیکشن کے بعد ایک سیاسی رہنما کا جہاز حرکت میں آگیا اور پنجاب میں نون لیگ کی اکثریت کو اقلیت میں بدل دیا گیا۔

رکن قومی اسمبلی کھیئل داس کا استعفیٰ کا اعلان

مسلم لیگ ن کے سندھ سےتعلق رکھنے والے رکن قومی اسمبلی کھیئل داس نے رکنیت سے استعفیٰ کا اعلان کردیا۔

متن میں مزید تحریر کیا گیا کہ غیر آئینی غیر جمہوری اقدام کے باوجود نون لیگ کی قیادت نے عمران خان کو موقع دیا لیکن اڑھائی سال بعد پاکستان کا ہر شعبہ زوال پذیر ہے لہٰذا پاکستان اور پنجاب اب مزید تباہی اور بربادی کامتحمل نہیں ہوسکتا، اس ناجائز حکومت کا خاتمہ ہو اور شفاف الیکشن کرائے جائیں۔

واضح رہے کہ مسلم لیگ نون کی ایم پی اے راحیلہ خادم حسین، عنیزہ فاطمہ اور ان کے شوہر سمیع اللہ خان سمیت متعدد دیگر اراکین نے بھی اپنے استعفے پارٹی قیادت کو جمع کرادیے ہیں۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *