اسلام آباد ہائی کورٹ نے براڈ شیٹ کمیشن کے سربراہ شیخ عظمت سعید کی تقرری کے خلاف کیس کی سماعت کرتے ہوئے کیس دوسرے بینچ کو بھیجنے کی استدعا پر فیصلہ محفوظ کر لیا۔

درخواست گزار نے اسلام آباد ہائی کورٹ کے چیف جسٹس اطہر من اللّٰہ کے کیس سننے پر اعتراض کر رکھا ہے۔

x
Advertisement

درخواست گزار نے استدعا کی ہے کہ آپ کیس کسی دوسرے بینچ کو بھیج دیں۔

چیف جسٹس اطہر من اللّٰہ نے کہا کہ آپ نے تو ہر بینچ پر اعتراض کر رکھا ہے۔

اسلام آباد ہائی کورٹ نے کیس دوسرے بینچ کو بھیجنے کی استدعا پر فیصلہ محفوظ کر لیا۔

یہ بھی پڑھیے

دائر کی گئی درخواست میں مؤقف اختیار کیا گیا ہے کہ جسٹس (ر) شیخ عظمت نیب میں بطور ڈپٹی پراسیکیوٹر جنرل خدمات انجام دے چکے ہیں۔

درخواست گزار کا یہ بھی کہنا ہے کہ براڈ شیٹ انکوائری کمیشن کے سربراہ کے طور پر ان کی تقرری مفادات کا ٹکراؤ ہے، ریٹائرڈ جج کو ریٹائرمنٹ کے 2 سال تک کسی عہدے پر تعینات نہیں کیا جا سکتا۔

قومی خبریں سے مزید