Categories
Breaking news

عدم اعتماد، علی وزیر کے پروڈکشن آرڈرز کیلئے سپریم کورٹ میں درخواست

—فائل فوٹو
—فائل فوٹو

ایم این اے علی وزیر کے پروڈکشن آرڈرز حاصل کرنے کے لیے سپریم کورٹ آف پاکستان سے رجوع کر لیا گیا۔

محسن داوڑ کی جانب سے سردار شہباز کھوسہ نے سپریم کورٹ میں درخواست دائر کر دی۔

درخواست میں تحریکِ عدم اعتماد پر ووٹنگ کے لیے پروڈکشن آرڈر جاری کرنے کی استدعا کی گئی ہے۔

سپریم کورٹ میں علی وزیر کے پروڈکشن آرڈر کے لیے دائر درخواست پر آج ہی سماعت کرنے کی استدعا بھی کی گئی ہے۔

درخواست میں مؤقف اختیار کیا گیا ہے کہ وزیرِ اعظم عمران خان کے خلاف تحریکِ عدم اعتماد میں ایک ایک ووٹ قیمتی ہے۔

درخواست میں کہا گیا ہے کہ تحریکِ عدم اعتماد کے لیے ووٹ ڈالنا علی وزیر کا آئینی حق ہے۔

درخواست میں یہ بھی کہا گیا ہے کہ ووٹ ڈالنے کے آئینی حق سے کسی کو روکا نہیں جا سکتا۔

محسن داوڑ کی درخواست میں اسپیکر قومی اسمبلی اور سینٹرل جیل کراچی کی انتظامیہ کو فریق بنایا گیا ہے۔

قومی خبریں سے مزید

Original Article

Leave a Reply

Your email address will not be published.