نیب نے لاہور کی احتساب عدالت میں سابق وزیرِ اعلیٰ پنجاب عثمان بُزدار کی ہوٹل کو شراب کے لائسنس کے اجراء میں اختیارات کے ناجائز استعمال کے الزام میں دی گئی ضمانت کے خلاف درخواست دائر کر دی۔
قومی احتساب بیورو (نیب) نے اپنے تحریری جواب میں عثمان بزدار کی درخواستِ ضمانت خارج کرنے کی استدعا کر دی۔
نیب کی جانب سے درخواست میں مؤقف اختیار کیا گیا ہے کہ عثمان بزدار نے اپنی درخواست میں نیب پر بدنیتی کے جھوٹے اور بے بنیاد الزام لگائے، عثمان بزدار اپنے حق میں کسی بھی قانونی جواز کی نشاندہی میں ناکام رہے۔
درخواست میں قومی احتساب بیورو کا کہنا ہے کہ ایکسائز نے زیرِ تعمیر ہوٹل کو شراب کے لائسنس دینےکی تفتیش 18 مارچ 2021ء کو دی، جس میں پنجاب حکومت کے افسران و اہلکاروں پر لائسنس کے اجراء کے لیے 50 ملین روپے کی رشوت کا الزام تھا۔
نیب کا اپنی درخواست میں کہنا ہے کہ عثمان بزدار نے 12 اکتوبر 2020ء کے جواب میں لائسنس کے لیے اختیارات کے غلط استعمال کا انکار کیا، نیب نے 2021ء میں سابق ڈی جی ایکسائز سمیت 3 افراد کے خلاف ریفرنس فائل کر دیا۔
درخواست میں نیب کا کہنا ہے کہ نیب کو 12 اگست 2022ء کو گمنام شکایت ملی جس میں عثمان بزدار پر غیر قانونی لائسنس کے لیے دباؤ ڈالنے کا الزام تھا۔
قومی احتساب بیورو کا اپنی درخواست میں مزید کہنا ہے کہ اسی گمنام شکایت میں عثمان بزدار پر آمدن سے زائد اثاثے بنانے کا بھی الزام لگایا گیا۔
نیب نے اپنی درخواست میں یہ بھی کہا ہے کہ ایگزیکٹیو بورڈ نے 12 اکتوبر 2022ء کے اجلاس میں اس معاملے کی دوبارہ جانچ کا کہا، عثمان بزدار کو بلایا گیا لیکن وہ ذاتی حیثیت میں پیش نہیں ہوئے۔
احتساب عدالت نے آج بزدار کی ضمانت میں توسیع کی
اس سے قبل لاہور کی احتساب عدالت نے سابق وزیرِ اعلیٰ پنجاب سردار عثمان بُزدار کی عبوری ضمانت میں 5 دسمبر تک توسیع کر دی۔
عثمان بُزدار اپنے اوپر مبینہ طور پر شراب کے لائسنسز کے اجراء کے لیے اختیارات کے ناجائز استعمال کے الزام کی سماعت کے دوران ضمانت میں توسیع کے لیے عدالت میں پیش ہوئے۔
جج نے استفسار کیا کہ کیا نیب کو عثمان بزدار کی حراست درکار ہے؟
نیب کے پراسیکیوٹر نے جواب دیا کہ ہمارے پاس ان کی گرفتاری کے وارنٹ نہیں۔
احتساب عدالت کے باہر عثمان بزدار کیخلاف احتجاج
لاہور کی احتساب عدالت کے باہر سابق وزیرِ اعلیٰ پنجاب سردار عثمان بزدار کے خلاف احتجاج کیا گیا ہے۔
عثمان بزدار کے وکیل نے استدعا کی کہ ہمیں بحث کے لیے تاریخ دے دیں۔
نیب کے پراسیکیوٹر نے اعتراض کیا کہ جب وارنٹ ہی نہیں ہیں تو تاریخ کی کیا ضرورت ہے؟
عدالت نے عثمان بزدار کی عبوری ضمانت میں 5 دسمبر تک توسیع کر دی جس کے بعد سابق وزیرِ اعلیٰ پنجاب احتساب عدالت سے روانہ ہو گئے۔
بزدار کے خلاف احتجاجی مظاہرہ
سابق وزیرِ اعلیٰ پنجاب سردار عثمان بزدار کے خلاف لاہور کی احتساب عدالت کے باہر آج پیشی کے موقع پر احتجاج کیا گیا ہے۔
عثمان بزدار کے لاہور کی احتساب عدالت پہنچنے پر پوسٹرز اٹھائے بعض مظاہرین ان کی گاڑی کے قریب آ گئے۔
مظاہرین نے سابق وزیرِ اعلیٰ پنجاب سردار عثمان بُزدار کے خلاف نعرے بھی لگائے۔
قومی خبریں سے مزید
-
زبیر گل نے بھی لندن پولیس کو تسنیم حیدر کیخلاف درخواست دیدی
مسلم لیگ ن کے رہنما زبیر گل نے بھی لندن پولیس کو تسنیم حیدر کے خلاف درخواست دے دی۔
-
8 سال بعد کچہری حملہ کیس کے 5 ملزمان بری
ڈسٹرکٹ اینڈ سیشن کورٹ اسلام آباد نے 8 سال بعد کچہری حملہ کیس کے 5 ملزمان کو بری کر دیا۔
-
بغاوت پر اکسانے کا کیس، شہبازگِل پر فرد جرم عائد کرنے کی کارروائی 3 دسمبر تک موخر
پاکستان تحریک انصاف (پی ٹی آئی) کے رہنما شہباز گِل کے خلاف ادارے میں بغاوت پر اکسانے کے کیس میں فرد جرم عائد کرنے کی کارروائی 3 دسمبر تک مؤخر کردی گئی۔
-
عمران خان کی تمام سیاسی زندگی یوٹرن میں ہی گزری ہے، شیری رحمٰن
وفاقی وزیر برائے ماحولیاتی تبدیلی شیری رحمٰن نے کہا ہے کہ 7 ماہ سے عمران خان امریکا اور اسٹیبلشمنٹ پر حکومت گرانے کا الزام لگا رہے تھے
-
احتساب عدالت کے باہر عثمان بزدار کیخلاف احتجاج
لاہور کی احتساب عدالت کے باہر سابق وزیرِ اعلیٰ پنجاب سردار عثمان بزدار کے خلاف احتجاج کیا گیا ہے۔
-
الیکشن کمیشن کو آج بلدیاتی انتخاب کا اعلان کرنا چاہیے، حافظ نعیم الرحمٰن
امیر جماعت اسلامی کراچی حافظ نعیم الرحمٰن کا کہنا ہے کہ الیکشن کمیشن کو آج بلدیاتی الیکشن کا اعلان کرنا چاہیے
-
توہینِ الیکشن کمیشن، عمران خان و اسد عمر کی غیر حاضری کی درخواست دائر
چیف الیکشن کمشنر سکندر سلطان راجہ اور الیکشن کمیشن آف پاکستان کے خلاف توہین آمیز اور غیر پارلیمانی ریمارکس کے معاملے کی سماعت کے دوران عمران خان اور اسد عمر کی غیر حاضری کی درخواست دائر کر دی گئی۔
-
امریکی سفیر ڈونلڈ بلوم کا دو روزہ دورہ کراچی
اسلام آباد میں تعینات امریکی سفیر ڈونلڈ بلوم گزشتہ جمعرات (17 نومبر) کو دو روزہ دورے کے لیے کراچی پہنچے۔
-
وزیرِ اعظم کا 25 نومبر کو دورۂ ترکیہ پر جانے کا امکان
وزیرِ اعظم شہباز شریف 25 نومبر کو دورۂ ترکیہ پر جا سکتے ہیں، ان کو 25 اور 26 نومبر کو دورے کی دعوت دی گئی ہے۔
-
مفتی نعیم مرحوم سے میرا قریبی تعلق تھا، گورنر سندھ
گورنر سندھ کامران ٹیسوری کا کہنا ہے کہ جامعہ بنوریہ عالمیہ آ کر بہت خوشی ہوئی، یہ جامعہ دین کی جس طرح خدمت کر رہی ہے وہ قابل تحسین ہے۔
-
کراچی: اہلکار کا قتل، پولیس کے پہنچنے پر لڑکی بھاگ نکلی تھی
کراچی کے علاقے ڈیفنس فیز 5 میں گزشتہ شب پولیس اہلکار کے قتل کے واقعے کے حوالے سے ڈی آئی جی ساؤتھ عرفان بلوچ نے انکشاف کیا ہے کہ لڑکی کو زبردستی گاڑی میں بٹھانے کی کوشش کی گئی تھی تاہم وہ پولیس کے پہنچنے پر بھاگ نکلی تھی۔
-
وزیرِ داخلہ کے بیان سے واضح ہے سب اچھا نہیں ہے، شیخ رشید
سابق وفاقی وزیر شیخ رشید کا کہنا ہے کہ وزیرِ داخلہ رانا ثناء اللّٰہ کے بیان سے واضح ہے سب اچھا نہیں، سب ایک پیچ پے نہیں ہیں۔
-
کراچی: پولیس اہلکار کا قاتل سابق ڈپٹی کمشنر کا بیٹا نکلا
کراچی کے علاقے ڈیفنس میں پولیس اہلکار عبدالرحمٰن کے قتل میں ملوث ملزم خرم نثار سابق ڈپٹی کمشنر کا بیٹا ہے۔
-
کراچی: قائد آباد مقابلے میں ہلاک ملزم 40 مقدمات میں ملوث نکلا
کراچی کے علاقے قائد آباد میں پولیس سے مقابلے کے دوران ہلاک ہونے والا ملزم پولیس پر فائرنگ، ڈکیتی اور اقدامِ قتل جیسے 40 سنگین جرائم میں ملوث تھا۔
-
جمعے کو راولپنڈی میں مظاہرین کی خیمہ بستی لگ جائے گی،اسد عمر
پاکستان تحریک انصاف (پی ٹی آئی) کے رہنما اسد عمر کاکہنا ہے کہ جمعےکی صبح سے فیض آباد میں خیمہ بستی لگا دی جائے گی
-
کراچی بلدیاتی انتخابات، فیصلے کا وقت تبدیل
الیکشن کمیشن آف پاکستان کی جانب سے کراچی کے بلدیاتی انتخابات سے متعلق محفوظ کیا گیا فیصلہ سنانے کا وقت تبدیل کر دیا گیا۔