Categories
Breaking news

عثمان بزدار کی کورونا ویکسینیشن مہم مزید تیز کرنے کی ہدایت

عثمان بزدار کی کورونا ویکسینیشن مہم مزید تیز کرنے کی ہدایت

وزیر اعلیٰ پنجاب عثمان بزدار نے کورونا ویکسینیشن مہم مزید تیز کرنے کی ہدایت کرتے ہوئے کہا ہے کہ شہریوں کو بوسٹر ڈوز لگانے کے عمل کو ہر صورت یقینی بنایا جائے۔

عثمان بزدار نے کہا کہ اومی کرون ویرینٹ کے باعث کورونا کیسوں میں اضافے پر تشویش ہے، حکومت لوگوں کی زندگیوں کے تحفظ کے لئے ہر ممکن اقدامات کررہی ہے۔

انہوں نے کہا کہ عوامی مقامات پر سماجی فاصلہ اختیار کرنا ضروری ہے، عوام اپنی زندگیوں کے تحفظ اور صحت کے لئے حکومتی ہدایات پر عمل کریں۔

پاکستان میں کورونا کیسز کی شرح ساڑھے 3 سے متجاوز

پاکستان کورونا مریضوں کے حوالے سے مرتب کی گئی فہرست میں 40 ویں نمبر پر آ گیا، تاہم یہاں کورونا کیسز کی شرح میں مسلسل اضافہ ہو رہا ہے اور یہ گزشتہ 24 گھنٹوں کے دوران 3 فیصد سے زائد ہو گئی۔

خیال رہے کہ پنجاب میں کورونا وائرس کے اب تک 4 لاکھ 48 ہزار 91 مریض رپورٹ ہوئے ہیں، جبکہ یہاں کُل ہلاکتیں دیگر صوبوں سے زیادہ ہیں جو 13 ہزار 80 ہو چکی ہیں۔

قومی خبریں سے مزید

Original Article

Leave a Reply

Your email address will not be published. Required fields are marked *