عثمان بزدار کو وزارت اعلیٰ کے عہدے سے ہٹانے کا نوٹیفکیشن جاری

عثمان بزدار کو وزارت اعلیٰ کے عہدے سے ہٹانے کا نوٹیفکیشن جاری کردیا گیا۔

پنجاب کے محکمہ سروسز اینڈ جنرل ایڈمنسٹریشن کیبنٹ ونگ کی جانب سے جاری نوٹیفکیشن کے مطابق حمزہ شہباز نے وزارت اعلیٰ پنجاب کی ذمہ داریاں سنبھال لیں۔

اس سے قبل نئے وزیراعلیٰ پنجاب حمزہ شہباز کی حلف برداری کا نوٹیفکیشن جاری کیا گیا تھا۔

نوٹیفکیشن پرنسپل سیکرٹری ٹو گورنر پنجاب کی طرف سے جاری کیا گیا جس کے مطابق حمزہ شہباز شریف نے آج بحیثیت وزیراعلیٰ پنجاب حلف اٹھایا ہے۔

اسپیکر قومی اسمبلی راجہ پرویز اشرف نے گورنر ہاؤس لاہور میں حمزہ شہباز سے حلف لیا۔

یہ بھی پڑھیے

خیال رہے کہ نو منتخب وزیرِ اعلیٰ پنجاب حمزہ شہباز نے حلف اٹھا لیا، وہ پنجاب کے 21 ویں وزیرِ اعلیٰ بن گئے۔

تقریب میں نائب صدر مسلم لیگ ن مریم نواز، وفاقی وزیرِ داخلہ رانا ثناء اللّٰہ اور پارٹی قائدین بھی شریک ہوئے۔

قومی خبریں سے مزید

مسجد نبویؐ واقعے پر چوہدری شجاعت کا بیان آگیا