عثمان بزدار نے پنجاب اسمبلی تحلیل کرنے کیلیے سمری تیار کرلی، ذرائع

وزیراعلیٰ پنجاب سردار عثمان بزدار نے صوبائی اسمبلی تحلیل کرنے کی سمری تیار کرلی ہے۔

ذرائع وزیراعلیٰ پنجاب کے مطابق وزیراعظم عمران خان کے حکم پر صوبائی اسمبلی تحلیل کی جاسکتی ہے۔

ذرائع وزیراعلیٰ پنجاب کے مطابق وزیراعظم عمران خان نے حکم کیا تو وہ عہدہ بھی چھوڑ سکتے ہیں ۔

ذرائع کے مطابق وزیراعظم عمران خان ، عثمان بزدار کو کمالیہ کے جلسہ عام سے خطاب کے بعد اپنے ساتھ اسلام آباد لے گئے ہیں ۔

دوسری جانب وزیراعظم کےمعاون خصوصی شہباز گل نے ٹوئٹر پیغام میں پنجاب اسمبلی تحلیل کرنے کی سمری کی تردید کی ہے۔

عمران خان نے اپنے خطاب کے دوران عوام سے اپیل کی کہ وہ کل اسلام آباد میں ہونے والے حکومتی جلسے میں شرکت کریں۔

اس سے قبل وزیراعظم اور پی ٹی آئی کی قیادت اعلان کرچکی ہے کہ 27 مارچ کے جلسے میں عمران خان اپنے ٹرمپ کارڈ کا اعلان کریں گے۔

یاد رہے کہ اپوزیشن قیادت قومی اسمبلی میں وزیراعظم عمران خان کے عدم اعتماد کی تحریک پیش کرچکی ہے ،اس حوالے سے اجلاس پیر کی شام طلب کیا گیا ہے۔

قومی خبریں سے مزید

ق لیگ سے ملاقات کے بعد وفاقی وزراء کا وفد بی اے پی سے ملنے پہنچ گیا