Categories
Breaking news

عام انتخابات کی طرح گلگت بلتستان میں آر ٹی ایس سسٹم نہیں بیٹھے گا, چیف الیکشن کمشنر

Advertisement
Advertisement

الیکشن

چیف الیکشن کمشنر گلگت بلتستان نے کہا ہے کہ عام انتخابات کی طرح جی بی میں آر ٹی ایس سسٹم نہیں بیٹھے گا۔

چیف الیکشن کمشنر راجہ شہباز نے کہا کہ جی بی انتخابات کے سلسلے میں مینڈیٹ چوری کرنے اور دھاندلی کے الزامات بے بنیاد ہیں۔

انھوں نے کہا عام انتخابات کی طرح جی بی میں آر ٹی ایس سسٹم نہیں بیٹھےگا، شفاف الیکشن کرانے کے لیے تمام انتظامات کر لیے ہیں، گلگت بلتستان کا یہ تاریخی الیکشن ہوگا۔

چیف الیکشن کمشنر کا کہنا تھا کہ نتائج کے حصول کے لیے تمام تر انتظامات کر لیے گئے ہیں، نتائج وصولی کے لیے گاڑیوں سمیت گھوڑوں کا بھی بندوبست کیا گیا ہے۔

راجہ شہباز نے کہا ابھی تک کسی امیدوار نے دھاندلی کی کوئی شکایت نہیں کی، میں اسلام آباد دھاندلی کے لیے نہیں بیلٹ پیپر کے حصول اور سینیٹ کو بریفنگ دینے گیا تھا۔

انھوں نے واضح کیا کہ پولیس بھی صاف اور شفاف انتخابات کرا سکتی ہے، ہم نے چاروں صوبوں سے پولیس کو بلوا کر انتخابی عمل کو جاری رکھا ہے، اور اس بار فوج کو پولنگ اسٹیشن پر آنے کی زحمت نہیں دی گئی۔

واضح رہے کہ گلگت بلتستان قانون ساز اسمبلی کی 24 میں سے 23 نسشتوں کے لیے آج انتخابات ہو رہے ہیں، پولنگ کا عمل جاری ہے، اس دوران 7 لاکھ سے زائد ووٹرز اپنے حق رائے دہی استعمال کریں گے، مردوں کے ساتھ ساتھ خواتین ووٹرز بھی انتہائی پُر جوش ہیں۔

Advertisement

Leave a Reply

Your email address will not be published. Required fields are marked *