Categories
Breaking news

عامر لیاقت نے تیسری اہلیہ کی کچھ ویڈیو سوشل میڈیا پر شیئر کیں

پاکستان تحریک انصاف (پی ٹی آئی) کے رکن قومی اسمبلی اور ٹی وی میزبان عامر لیاقت کی تیسری شادی پر وزیر اعظم عمران خان نے انہیں مبارکباد دی ہے۔

عامر لیاقت نے شادی کی خبر اور اس کے بعد سوشل میڈیا پر کچھ ویڈیوز بھی شیئر کیں۔ ویڈیوز منظر عام پر آنے کے بعد مثبت اور منفی تبصروں کا نا ختم ہونے والا سلسلہ شروع ہوگیا۔

گزشتہ روز عامر لیاقت نے لودھراں کی رہائشی18 سالہ سیدہ دانیہ شاہ کے ساتھ اپنی تیسری شادی کا اعلان کیا اور ساتھ چند ویڈیوز بھی شئیر کیں۔

ویڈیو میں عامر لیاقت اپنے سسرال میں نکاح کے بعد گانا گاتے دیکھے جاسکتے ہیں۔ ایک اور ویڈیو میں عامر لیاقت کے لودھراں سے کراچی آتے ہوئے خوشگوار سفر کے لمحات دیکھے جا سکتے ہیں، ایک اور ویڈیو جو عامر لیاقت کی اہلیہ نے بنائی، میں جوڑے کو اپنے کمرے میں دیکھا جا سکتا ہے۔

سوشل میڈیا استعمال کرنے والوں نے عامر لیاقت کو تیسری اہلیہ کی عمر شو آف کرنے پر شدید تنقید کا نشانہ بنایا، ایک صارف نے لکھا ’عامر لیاقت کی جانب سے لڑکی کی کم عمری کو لےکر ڈینگیں مارنا اور شو آف کرنا ظاہر کرتا ہے کہ ان کے نزدیک عورت کتنی کم تر حیثیت کی مالک ہے اور وہ انھیں اپنے لیے ٹرافیز اور ایک کارنامہ سمجھتے ہیں۔

عامر لیاقت گذشتہ کئی ہفتوں سے اپنی تیسری اہلیہ کے ٹیزر شئیر کرتے رہے ہیں۔

عامر لیاقت نے سیدہ دانیہ کی ٹک ٹاک ویڈیو شئیر کرتے ہوئے کہیں لکھا ’بس کچھ دن رہ گئے ہیں اور کبھی لکھا کہ کمنگ سون ، Few days left ..

تیسری شادی کی خبر سے ایک دن قبل ہی عامر لیاقت کی دوسری بیوی سیدہ طوبیٰ نےسوشل میڈیا پر اعلان کیا کہ 14 ماہ کی علیحدگی کے بعد مفاہمت اور صلح کی کوئی گنجائش نہ ہونے پر انہیں خلع کیلئے عدالت سے رجوع کرنا پڑا‘۔

عامر لیاقت سے علیحدگی سے متعلق طوبیٰ کا بیان سامنے آگیا

طوبیٰ نے مزید کہا کہ ’میں نہیں بتا سکتی کہ یہ عرصہ میرے لیے کتنا مشکل تھا تاہم مجھے اللّٰہ اور اس کے فیصلوں پر یقین ہے۔ میری آپ سب سے اپیل ہے کہ اس مشکل وقت میں میرے فیصلے کا احترام کریں۔‘

سیدہ طوبیٰ سے عامر لیاقت نے دوسری شادی 2018 میں کی تھی جب طوبیٰ کی عمر صرف 24 سال تھی۔

اس دوران اداکارہ و ماڈل ہانیہ خان نے دعویٰ کیا تھا کہ وہ عامر لیاقت کی بیوی ہیں، ہانیہ خان نے عامر لیاقت کو منافق بھی قرار دیا اور کہا کہ انہوں نے ان کا کیریئر ختم کرنے کی کوشش کی۔

2020 میں عامر لیاقت کی پہلی اہلیہ ڈاکٹر بشریٰ اقبال نے سوشل میڈیا پر اعلان کیا تھا کہ عامر لیاقت نے انہیں چھوڑ دیا ہے اب وہ اپنا معاملہ اللّٰہ پر چھوڑتی ہیں، ڈاکٹر بشریٰ اقبال سے عامر لیاقت کے دو بچے ہیں جن میں بیٹی دعا اور بیٹا احمد شامل ہیں۔

دانیہ ملک کی والدہ سلمیٰ ملک نے جنگ سے گفتگو کرتے ہوئے بتایا کہ ان کے خاوند پیر ہیں اور پیری مریدی کی وجہ سے عامر لیاقت کا ہم سے رابطہ ہوا، دعا ہے کہ اللّٰہ تعالیٰ دونوں کو خوش رکھے اور انہیں بے بہا خوشیاں دے۔

نئی دلہن سیدہ دانیہ عامر نے اپنے سوشل میڈیا اکاؤنٹ پر کہا کہ یہ ان کے لئے انتہائی خاص لمحہ ہے شوہر عامر لیاقت بچپن سے ہی ان کے آئیڈیل ہیں۔

عامر لیاقت نے جیو کے پروگرام عالم آن لائن شہرت حاصل کی اور اس کے بعد رمضان ٹرانسمیشنز اور گیم شوز کی میزبانی کر کے انہیں شہرت کی بلندی تک پہنچایا۔

قومی خبریں سے مزید

Original Article

Leave a Reply

Your email address will not be published. Required fields are marked *