Categories
Breaking news

طورخم بارڈر سے پاکستان میں داخل 3 افغان باشندوں سے بھاری منشیات برآمد

—فائل فوٹو
—فائل فوٹو

اینٹی نارکوٹکس فورس کے عملے نے افغانستان سے طورخم بارڈر کے راستے پاکستان پہنچنے والے 3 افغان باشندوں کے قبضے سے بھاری مقدار میں ہیروئین آئس اور دیگر منشیات برآمد کر لی۔

ترجمان اے این ایف کے مطابق اے این ایف اور ایف سی کی مشترکہ کارروائی میں منشیات افغانستان سے خیبر اسمگلنگ کی کوشش ناکام بنائی گئی ہے۔

اینٹی نارکوٹکس فورس کے ترجمان کے مطابق طورخم بارڈر پر 3 افغان باشندوں کے قبضے سے 36 کلو 500 گرام آئس، 8 کلو 580 گرام مشکوک مواد اور 7 کلو گرام ہیروئن برآمد ہوئی ہے۔

اے این ایف کی جانب سے ملزمان حیدر خان، عصمت اللّٰہ اور ساتھی کو گرفتار کر کے قانونی کارروائی کی گئی ہے۔

جیکٹس اور واسکٹ سے منشیات برآمد

اینٹی نارکوٹکس فورس نے کراچی کے نجی کوریئر آفس میں 2 مختلف کارروائیوں میں بھی منشیات برآمد کی ہے۔

پہلی کارروائی میں لندن بھیجے جانے والے جیکٹس کے پارسل سے 230 گرام مشکوک مواد برآمد کیا گیا ہے۔

دوسری کارروائی کے دوران دبئی بھیجنے کے لیے بک کرائے گئے پارسل سے 10 گرام آئس برآمد ہوئی، برآمد شدہ منشیات واسکٹ میں چھپائی گئی تھی۔

ملزمان کے خلاف انسدادِ منشیات ایکٹ کے تحت مقدمہ درج کیا گیا ہے۔

قومی خبریں سے مزید

Original Article

Leave a Reply

Your email address will not be published. Required fields are marked *