صوبائی وزراء کی ترین گروپ سے ملاقات، یقین دہانی لیے بغیر مایوس لوٹ گئے

صوبائی وزراء نےجہانگیر ترین گروپ کے ارکان سے ملاقات کی لیکن کسی بھی یقین دہانی کے بغیر مایوس لوٹ گئے۔

لاہور میں میاں محمود الرشید، سبطین خان، صمصام بخاری اور مراد راس پر مشتمل وزراء نے ترین گروپ سے ملاقات کی۔

ملاقات میں ترین گروپ کے نعمان لنگڑیال، اجمل چیمہ، فیصل جبوانہ اور عبدالحئی دستی شریک ہوئے۔

وزراء نے ترین گروپ سے ملاقات میں پنجاب کی وزارت اعلیٰ کے لیے پرویز الہٰی کی حمایت کی درخواست کی۔

ملاقات کے حوالے سے میاں محمود الرشید نے کہا کہ ہم دوست ہیں، رابطے میں رہتے ہیں، ایک دو دن میں بریک تھرو ہو جائے گا۔

اجمل چیمہ نے صوبائی وزراء سے کہا کہ عثمان بزدار کا استعفیٰ منظور تک کوئی بات نہیں ہوگی۔

نعمان لنگڑیال نے کہا کہ کل جہانگیر ترین گروپ کا اجلاس بلایا ہے، مشاورت کریں گے۔

قومی خبریں سے مزید

متحدہ اپوزیشن کا وزیر اعظم سے مستعفی ہونے کا مطالبہ