Categories
Breaking news

صدر نے سانحہ سیالکوٹ کے ہیرو عدنان ملک کو تمغہ شجاعت عطا کرنے کی منظوری دے دی

صدر نے سانحہ سیالکوٹ کے ہیرو عدنان ملک کو تمغہ شجاعت عطا کرنے کی منظوری دے دی

صدر مملکت عارف علوی نے سیالکوٹ سانحہ کے ہیرو عدنان ملک کو تمغہ شجاعت عطا کرنے کی منظوری دے دی۔

صدر مملکت نے آئین کے آرٹیکل (2) 259 کے تحت سول ایوارڈ عطا کرنے کی منظوری دی۔

درندوں کے ہجوم میں ایک انسان بھی سامنے آگیا

ہجوم کے درمیان ایک فرد اسےبچانے کے لیے ہاتھ جوڑتارہا، یہ بےبس فرد پریانتھا کی زندگی کی بھیک مانگتا رہا، مگر اس کی کسی نے بھی نہیں سنی، بلکہ الٹا اسی کو دھکے مارے گئے اور گھسیٹا گیا۔

عدنان ملک نے پریانتھا کمارا کو سیالکوٹ میں ہجوم سے بچانے کی کوشش کی تھی۔

پریانتھا کو بچانے کی کوشش کرنے والے شہری عدنان ملک کو تمغہ شجاعت کا ایوارڈ 23 مارچ 2022 کو عطا کیا جائے گا۔

واضح رہے کہ سیالکوٹ میں نجی فیکٹری کا سری لنکن منیجر فیکٹری ملازمین کے تشدد سے ہلاک ہوگیا تھا، مشتعل افراد نے لاش کو سڑک پر گھسیٹا اور آگ لگادی تھی۔

مشتعل افراد کا دعویٰ تھا کہ مقتول نے مبینہ طور پر مذہبی جذبات مجروح کیے تھے، مشتعل افراد نے فیکٹری میں توڑ پھوڑ بھی کی۔

قومی خبریں سے مزید

Original Article

Leave a Reply

Your email address will not be published.