Categories
Breaking news

صحافی اطہر متین کے قاتلوں تک جلد پہنچ جائینگے: کراچی پولیس چیف

صحافی اطہر متین کے قاتلوں تک جلد پہنچ جائینگے: کراچی پولیس چیف

ایڈیشنل آئی جی کراچی غلام نبی میمن کا کہنا ہے کہ صحافی اطہر متین کے قاتلوں سے متعلق کچھ مواد ملا ہے، قاتلوں تک جلد پہنچ جائیں گے۔

صحافی اطہر متین کے قتل کے حوالے سے کراچی میں میڈیا سے گفتگو کرتے ہوئے ایڈیشنل آئی جی کراچی غلام نبی میمن نے یہ بھی کہا کہ اسٹریٹ کرائمز سے متعلق پالیسی واضح ہے۔

پولیس حکام کی رپورٹ کے مطابق رواں سال جنوری میں گزشتہ سال دسمبر کے مقابلے میں موٹر سائیکلیں اور گاڑیاں چوری اور چھینے جانے کی وارداتوں میں 84 فیصداضافہ ہوا ہے۔

کراچی،کار پر فائرنگ، نجی ٹی وی کا پروڈیوسر جاں بحق

کراچی کے علاقے نارتھ ناظم آباد میں ایک کار پر فائرنگ کے واقعہ میں سماء ٹی وی کا پروڈیوسر جاں بحق ہوگیا، ملزمان اپنی موٹر سائیکل چھوڑ کر سڑک کے دوسری طرف دوسری موٹر سائیکل چھین کر فرار ہوگئے۔

جنوری 2022ء میں 3 ہزار 908 موٹر سائیکلیں چوری اور 419 چھینی گئیں، دسمبر 2021ء میں 3 ہزار 385 موٹر سائیکلیں چوری ہوئیں جبکہ 308 چھینی گئیں۔

واضح رہے کہ آج صبح کراچی کے علاقے نارتھ ناظم آباد میں نجی ٹی وی چینل سے تعلق رکھنے والے صحافی اطہر متین اس وقت ڈاکوؤں کی فائرنگ کا نشانہ بن کر جاں بحق ہو گئے جب انہوں نے راستے میں لوٹ مار کی واردات ہوتے دیکھ کر ڈاکوؤں کی موٹر سائیکل سے اپنی کار ٹکرا دی۔

پولیس کے مطابق گرنے والے ڈاکوؤں کی فائرنگ کے نتیجے میں اطہر متین گولی لگنے سے موقع پر ہی جاں بحق ہو گئے جبکہ ملزمان ایک اور موٹر سائیکل چھین کر باآسانی فرار ہو گئے۔

قومی خبریں سے مزید

Original Article

Leave a Reply

Your email address will not be published.