Categories
Breaking news

صحافیوں کو ہراساں کئے جانے پر پی ایف یو جے کی شدید مذمت

صحافیوں کو ہراساں کئے جانے پر پی ایف یو جے کی شدید مذمت

صحافیوں کو ہراساں کئے جانے پر پاکستان فیڈرل یونین آف جرنلسٹس کی جانب سے شدید مذمت کی گئی ہے۔

صدر پی ایف یو جے شہزادہ ذوالفقار اور جنرل سیکرٹری ناصر زیدی نے اپنے بیان میں کہا کہ لاہور میں عمران خان کے خطاب کے دوران صحافیوں کو کھلے عام دھمکیاں دی گئیں۔

اُنہوں نے جیونیوز کے رپورٹر کو کوریج سے روکنے پر شدید تشویش کا اظہار کرتے ہوئے کہا کہ پی ٹی آئی ورکرز نے جیونیوز کو خطاب کی جگہ پر مائیک رکھنے سے روک دیا۔

شہزادہ ذوالقفار اور ناصر زیدی نے کہا کہ یہ اقدام صحافی برادری کو عزت دینے کرنے کے عمران خان کے دعووں کی نفی ہے، یہ اقدام آزادی اظہار رائے سے متعلق بھی عمران خان کے دعووں کی نفی ہے۔

رہنماء پی ایف یو جے نے یہ بھی کہا کہ اس طرح کا رویہ صحافیوں کے خلاف نفرت پیدا کرے گا، اس رویے سے معاشرے پر تباہ کن اثرات مرتب ہوں گے۔

اُن کا کہنا تھا کہ پی ٹی آئی سوشل میڈیا برییگیڈ خاتون صحافیوں سے بدسلوکی اور کردارکشی میں ملوث ہے، یہ رویہ بہت مایوس کن ہے اور جمہوری اقدار کی دعویدار پارٹی کو زیب نہیں دیتا۔

تحریک انصاف ورکرز کنونشن کی کوریج سے جیو نیوز کو روکنے پر پنجاب یونین آف جرنلسٹس کی مذمت

تحریک انصاف کے ورکرز کنونشن میں جیو نیوز کو کوریج سے روکنے پر پنجاب یونین آف جرنلسٹس نے اظہار مذمت کیا ہے۔

پی ایف یو جے رہنماؤں نے سینئر صحافی ارشد شریف کو ہراساں کرنے والے آفیشیلز کی بھی مذمت کی اور مطالبہ کیا کہ اس طرح کی ہراسگی کو فوری بند کیا جائے۔

اُنہوں نے مطالبہ کیا کہ حکومت ارشد شریف کو ہراساں کرنے والے آفیشیلز کے خلاف کارروائی کرے۔

پی ایف یو جے نے سیاسی جماعتوں پر جمہوری روایات اور شہریوں کے حقوق کا احترام کرنے پر زور دیا۔

قومی خبریں سے مزید

Original Article

Leave a Reply

Your email address will not be published.