وفاقی وزیر سائنس اینڈ ٹیکنالوجی فواد چوہدری نے دعویٰ کیا ہے کہ خفیہ رائے شماری سے حکومت کے نہیں صرف اپوزیشن کے پرندے اڑیں گے۔

لاہور میں تقریب سے خطاب میں فواد چوہدری نے مہنگائی اور اپوزیشن اتحاد (پی ڈی ایم) کو ایک ہی چیز قرار دیا۔

انہوں نے کہا کہ ابھی آدمی قیمت حکومت دے رہی ہے اور آدھی صارفین دے رہے ہیں، بجلی و گیس کی قیمتوں کے بڑھنے کی وجہ سابقہ حکومتوں کے معاہدے ہیں۔

وفاقی وزیر نے مزید کہا کہ سابق ادوار میں بجلی کے بلاضرورت آئی پی پیز منصوبے لگائے گئے، ان منصوبوں کا انحصار مہنگے فرنس آئل پر تھا جس کی درآمد پر ڈالر خرچ ہوتے ہیں۔

ان کا کہنا تھا کہ فرنس آئل مہنگا ہوتا ہے تو بجلی کی قیمت بڑھ جاتی ہے، ابھی بھی ہم بجلی صارفین سے آدھی قیمت لے رہے ہیں۔

فواد چوہدری نے واضح طور پر کہا کہ ابھی بجلی کی مد میں عوام کو ریلیف دینے کا کوئی امکان نہیں ہے۔

اپوزیشن اتحاد کے سربراہ سے متعلق وفاقی وزیر نے کہا کہ مولانا فضل الرحمٰن دھرنے کے بجائے قومی احتساب بیورو (نیب) کو جواب دیں گے۔

قومی خبریں سے مزید