عوامی نیشنل پارٹی (اے این پی) کے سینئر رہنما اور سابق وزیر اعلیٰ خیبرپختونخوا امیر حیدر خان ہوتی نے کہا ہے کہ صادق اور امین اچھا کرکٹر تھا، اچھا حکمران نہیں ہے۔

پشاور میں اے این پی کے جلسے سےامیر حیدر خان ہوتی، میاں افتخار حسین، ایمل ولی خان اور سردار حسین بابک و دیگر نے خطاب کیا۔

Table of Contents

x
Advertisement

امیر حیدر ہوتی نے کہاکہ عمران خان اچھا حکمران ہوتا تو قرضے لے کر معیشت تباہ نہ کرتا۔

انہوں نے مزید کہاکہ عمران خان نے اسلامی ممالک کے ساتھ تعلقات کو بھی نقصان پہنچایا، اب سلیکٹرز کو پاکستان کو بچانا چاہیے۔

سابق وزیراعلیٰ نے یہ بھی کہاکہ صادق و آمین کو اقتدار میں لانے والوں کا تجربہ ناکام ہوچکا ہے۔

اے این پی کے مرکزی رہنما میاں افتخار حسین نے کہاکہ پاکستان کے وفاداروں نے پاکستان کو دو حصوں میں تقسیم کردیا، اس پاکستان میں آئین کی بات کرنے والوں کو غدار اور آئین کے خلاف کرنے والوں کو وفادار مانا جاتا ہے ۔

انہوں نے مزید کہاکہ ان کا کہنا تھا کہ امریکی ٹرمپ تو چلا گیا، مگر اب ہم نے مصنوعی ٹرمپ کو بھی بھگانا ہے۔

اے این پی رہنما نے نئے امریکی صدر جوبائیڈن کو مخاطب کرتے ہوئے کہا کہ افغانستان کی حالات پر بھی خصوصی توجہ دینے کی ضرورت ہے۔

قومی خبریں سے مزید