شیخوپورہ: چھوٹے بھائی کے چھری کے وار، بڑا بھائی قتل

فائل فوٹو

شیخوپورہ کی آبادی بھنڈور میں خاتون سے مبینہ تعلقات سے منع کرنے پر چھوٹے بھائی نے چھری کے وار کر کے اپنے بڑے بھائی کو قتل کر دیا۔

پولیس تھانہ صدر فاروق آباد کے مطابق ملزم غلام باہو نے اپنے بھائی غلام دستگیر کے پیٹ میں چھریاں ماریں، جس سے وہ شدید زخمی ہو گیا۔

اسے لاہور جنرل اسپتال ریفر کیا گیا، جہاں وہ دم توڑ گیا، مقتول غلام دستگیر کے دوسرے بھائی محمد احمد کی درخواست پر مقدمہ درج کر لیا گیا ہے۔

ایف آئی آر میں غلام باہو اور ایک خاتون صفیہ بی بی کو نامزد کیا گیا ہے۔

ایس ایچ او تھانہ صدر فاروق آباد کے مطابق خاتون کو حراست میں لے کر تفتیش کی جا رہی ہے جبکہ ملزم کی گرفتاری کے لیے چھاپے مار رہے ہیں۔

قومی خبریں سے مزید

شرجیل میمن کو محکمہ ٹرانسپورٹ کا قلمدان دیدیا