Categories
Breaking news

شہر قائد میں بجلی کی لوڈشیڈنگ کا دورانیہ 14 گھنٹے سے بھی تجاوز

Advertisement
Advertisement

لوڈشیڈنگ کا دورانیہ 14 گھنٹے سے بھی زائد

شہر قائد میں بجلی کی لوڈشیڈنگ کا دورانیہ 14 گھنٹے سے بھی زائد ہونے پر شہریوں کو شدید مشکلات کا سامنا کرنا پڑ رہا ہے۔

کراچی کے مختلف علاقوں میں بدترین بجلی کی لوڈ شیڈنگ کا سلسلہ جاری ہے۔ کورنگی، بلدیہ ٹاؤن اور اورنگی ٹاؤن میں 5 گھنٹے سے زائد بجلی کی لوڈشیڈنگ جاری ہے جبکہ لوڈشیڈنگ سے مستثنیٰ علاقوں میں بھی بجلی معطلی کا دورانیہ 5 گھنٹے سے بڑھ گیا ہے۔

گزشتہ رات شہر کے کئی علاقے تاریکی میں ڈوبے رہے اور مختلف علاقوں میں 12 سے 14 گھنٹے تک کی لوڈشیڈنگ ہوئی۔

نیو کراچی اور نارتھ ناظم آباد میں بجلی کی آنکھ مچولی جاری رہی جبکہ سرجانی ٹاؤن کے مختلف سیکٹرز، کورنگی دو نمبر، ڈیڑھ نمبر، بھٹائی آباد، پہلوان گوٹھ اور رابعہ سٹی میں بھی کئی گھنٹے سے بجلی معطل ہے۔

کراچی کے علاقے شاہ فیصل کالونی، ملیر اور لانڈھی میں بھی بجلی کی طویل لوڈشیڈنگ کا سلسلہ جاری ہے۔

ترجمان کے الیکٹرک کے مطابق گیس سپلائی میں کمی کے باعث صنعتی علاقوں میں لوڈ شیڈنگ بڑھنے کا خدشہ ہے۔ کم گیس پریشر کے باعث بجلی کی پیداواری صلاحیت متاثر ہو رہی ہے۔

ترجمان کے الیکٹرک کے مطابق مجموعی طور پر 400 میگاواٹ بجلی کی فراہمی متاثر ہے۔ سائٹ اور کورنگی سمیت گیس پر چلنے والے پاور پلانٹس سے بجلی کی پیداوار متاثر ہوئی ہے۔

ترجمان کے الیکٹرک کے مطابق فرنس آئل پر چلنے والے پاور پلانٹس پوری استعداد پر چل رہے ہیں۔ کچھ عرصے کیلئے حکومت سے آر ایل این جی کی فراہمی کی درخواست کی گئی ہے۔

Advertisement

Leave a Reply

Your email address will not be published. Required fields are marked *