لاہور کی احتساب عدالت میں پیش کے موقع پر مسلم لیگ نون کے صدر اور قومی اسمبلی میں قائدِ حزبِ اختلاف میاں شہباز شریف نے اپنی بھتیجی سابق وزیرِ اعظم نواز شریف کی صاحبزادی اور مسلم لیگ نون کی نائب صدر مریم نواز کو فون کیا اور ان سے ان کی بیٹی مہرالنساء کی خیریت بھی دریافت کی۔

احتساب عدالت لاہور میں میں رمضان شوگر ملز ریفرنس کی سماعت کے سلسلے میں شہباز شریف اور ان کے صاحبزادے حمزہ شہباز پیش ہوئے جنہوں نے اپنی حاضری مکمل کرائی۔

x
Advertisement

عدالت میں پیشی کے موقع پر شہباز شریف نے ٹیلی فون پر اپنی بھتیجی مریم نواز سے گفتگو کی اور ان سے ان کی صاحبزادی مہر النساء کی خیریت بھی دریافت کی۔

مریم نواز کی صاحبزادی مہر النساء گزشتہ روز گالف کی کار ڈرائیو کرتے ہوئے حادثے کا شکار ہو گئی تھیں، مہر النساء کے سر میں چوٹ آئی تھی اور اسپتال میں ان کے سر کی سرجری بھی کی گئی تھی تاہم طبیعت بہتر ہونے کے بعد انہیں شریف میڈیکل سٹی اسپتال جاتی امراء سے گھر منتقل کر دیا گیا تھا۔

یہ بھی پڑھیے

دوسری جانب احتساب عدالت لاہور میں شہباز شریف اور حمزہ شہباز کے خلاف رمضان شوگر ملز ریفرنس کی سماعت کے موقع پر لوئر مال اور ملحقہ سڑکوں پر رکاوٹوں کے باعث ٹریفک کی روانی شدید متاثر ہوئی۔

عدالت کے ارد گرد اور ملحقہ سڑکوں پر کنٹینر اور خاردار تاریں لگائی گئی تھیں، ٹریفک کے شدید دباؤ میں ایمبولینس بھی پھنس گئی۔

قومی خبریں سے مزید