Categories
Breaking news

شوکت ترین کی درخواستیں سماعت کیلئے مقرر

Advertisement
شوکت ترین کی درخواستیں سماعت کیلئے مقرر

سابق وزیر خزانہ شوکت ترین کی درخواستیں اسلام آباد ہائیکورٹ میں سماعت کے لیے مقرر کردی گئیں۔ شوکت ترین کی درخواستوں کی سماعت جسٹس عامر فاروق اور جسٹس طارق محمود جہانگیری کریں گے۔

شوکت ترین کی اپنی بریت کے خلاف نیب اپیلیں جلد مقرر کرنے کی دو درخواستیں دائر کی تھیں جن پر سماعت کل ہوگی۔

اسلام آباد ہائیکورٹ کے رجسٹرار آفس نے متفرق درخواستیں مقرر کرنے کی کاز لسٹ جاری کردی۔

متفرق درخواستوں میں کہا گیا کہ ساہیوال اور پیراں غائب ریفرنس میں نیب کی شوکت ترین کی بریت کے خلاف اپیلیں زیر التوا ہیں۔

ان درخواستوں میں استدعا کی گئی کہ نیب اپیلیں جلد سماعت کےلیے مقرر کی جائیں۔

عدالت نے شوکت ترین، پرویز اشرف و دیگر ملزمان کی بریت کیخلاف نیب اپیل پر نوٹس جاری کر رکھے ہیں۔

نیب نے احتساب عدالت کے جون 2020 کے ملزمان بریت فیصلے کو چیلنج کر رکھا ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *