Categories
Breaking news

شناختی کارڈ پر خاتون کے شوہر کی جگہ چیئرمین نادرا کا نام

سپریم کورٹ میں انچارج شکر گڑھ نادرا کی برطرفی کے خلاف اپیل میں وکیل نادرا نے بتایا کہ پروین اختر نامی خاتون شناختی کارڈ تبدیل کروانے نادرا مرکز آئی، خاتون کے شوہر کا نام ارشاد احمد ہے لیکن لکھا عثمان یوسف مبین گیا، عثمان یوسف مبین اُس وقت نادرا کے چیئرمین تھے، جس پر چیف جسٹس پاکستان نے کہا یہ تو سیدھی سیدھی شرارت کی گئی ہے۔

شکر گڑھ کی رہائشی خاتون کی شناختی کارڈ تبدیلی میں چئیرمین نادرا کا نام لکھا گیا۔

سپریم کورٹ میں نادرا سینٹر شکر گڑھ کے انچارج محمد بوٹا کی برطرفی کےخلاف اپیل پر سماعت ہوئی۔ درخواست گزار محمد بوٹا نے کہا جس خاتون نے غلط انٹری کی اسے ملازمت پر بحال کر دیا گیا۔

چیف جسٹس گلزار احمد نے ریمارکس دیے کہ یہ تو سیدھی سیدھی شرارت کی گئی ہے، کیسے ممکن ہے کہ ڈیٹا انٹری میں اس قسم کی غلطی ہوجائے؟ بطور انچارج آپ کی ذمہ داری تھی کہ ڈیٹا کا جائزہ لیتے۔

محمد بوٹا نے کہا انکوائری ہوتی تو دودھ کا دودھ پانی کا پانی ہو جاتا، شناختی کارڈ پر دستخط چیئرمین نادرا کے بھی ہوتے ہیں، اگر بطور انچارج میں ذمہ دار ہوں حتمی منظوری دینے والے تو چیئرمین نادرا کیسے نہیں؟۔

انہوں نے کہا کہ بغیر انکوائری شوکاز دےکر برطرف کر دیا گیا، عثمان مبین کے نام سے بعد میں ابھی انٹری ہوئی لیکن کارروائی نہیں ہوئی۔

عدالت نے نادرا سینٹر شکر گڑھ کے انچارج محمد بوٹا کی برطرفی کےخلاف اپیل خارج کر دی۔

قومی خبریں سے مزید

Original Article

Leave a Reply

Your email address will not be published.