Categories
Breaking news

شفقت محمود کا مریم نواز کے انٹرویو پر طنزیہ ردِعمل

Advertisement

وفاقی وزیر تعلیم شفقت محمود نے مریم نواز کے فوج سے بات کرنے کے بیان پر طنزیہ انداز میں ردِعمل دیا ہے اور کہا ہے کہ دیکھ لو اب سب ٹھیک ہوگیا۔

پاکستان مسلم لیگ (ن) کی نائب صدر مریم نواز نے برطانوی نشریاتی ادارے کو انٹرویو دیتے ہوئے کہا تھا کہ فوج سے بات ہوسکتی ہے اگر موجودہ حکومت گھر جائے تو۔

مریم نواز کے اس بیان پر طنزیہ ردِ عمل دیتے ہوئے شفقت محمود کا کہنا تھا کہ ’پہلے فوج منتخب حکومت کو گھر بھیجے، پھر فوج ہم سے بات کرے، پھر فوج ہمیں حکومت دے، اس کے بعد فوج اپنا کردار اگلے 5 سال کے لیے ختم کردے، اس کے بعد فوج پھر ہمیں حکومت دے اور اداروں کا سیاست میں کوئی کردار نہیں ہونا چاہیے۔‘

یہ بھی پڑھیے

انھوں نے ردِ عمل میں یہ بھی کہا کہ ’سن لو سارے کان کھول کے، ابھی ٹھیک ہوگیا۔‘

واضح رہے کہ مریم نواز نے اپنے انٹرویو میں کہا تھا کہ فوج سے آئین کے دائرے میں بات ہو سکتی ہے لیکن عوام کے سامنے، چھپ چھپا کر نہیں۔

انھوں نے یہ بھی کہا تھا کہ پی ڈی ایم کے پلیٹ فارم سے مذاکرات کے آغاز پر غور کیا جا سکتا ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *