Categories
Breaking news

شعیب اختر نے نعمان نیاز کو معاف کرکے بڑا پن دِکھایا: علی محمد خان

تحریک انصاف کے رکن قومی اسمبلی و وزیر مملکت علی محمد خان نے کہا ہے کہ شعیب اختر نے اینکر پرسن نعمان نیاز کو معاف کرکے بڑے پن کا مظاہرہ کیا ہے۔گزشتہ روز مائیکرو بلاگنگ سائٹ ٹوئٹر پر شعیب اختر نے اپنے اور نعمان نیاز کے معاملے پر بیان جاری کیا تھا جس میں اُنہوں نے کہا تھا کہ ’سرکاری ٹیلی وژن پر یہ ایک ناخوشگوار واقعہ تھا اور اس نے میرے جذبات کو ٹھیس پہنچائی تھی اس لیے مجھے کچھ وقت لگا۔‘
شعیب اختر نے کہا تھا کہ ’اعلیٰ اخلاقی بنیاد پر، میں نعمان نیاز کی معافی قبول کر رہا ہوں۔‘
سابق فاسٹ بولر کے اس بیان پر ردّعمل دیتے ہوئے وزیر مملکت علی محمد خان نے کہا کہ ’اس دن جب آپ سے بدتمیزی کی گئی اور آپ نے حسنِ اخلاق اور صبر کا مظاہرہ کیا تھا۔‘
علی محمد خان نے کہا کہ ’آپ بغیر کوئی شدید ردّعمل دئیے شو چھوڑ کر چلے گئے تو آپ نے پوری قوم کی نظر میں اپنی عزت اور بڑھائی۔‘اُنہوں نے کہا کہ ’آج اسی شخص کو معاف کرکے آپ نے ایک بڑے انسان ہونے کا ثبوت دیا ہے۔‘
وزیر مملکت نے مزید کہا کہ ’اللّٰہ تعالیٰ آپ کی عزت میں مزید اضافہ کرے، آمین۔‘

Leave a Reply

Your email address will not be published.