Categories
Breaking news

شرجیل میمن نے صوبائی وزیر کا حلف اٹھا لیا

بشکریہ واٹس ایپ
بشکریہ واٹس ایپ

سندھ اسمبلی کے رکن شرجیل انعام میمن نے صوبائی وزیر کی حیثیت سے حلف اٹھا لیا۔

گورنر ہاؤس میں ہونے والی تقریبِ حلف برداری کا آغاز قرآنِ پاک کی تلاوت اور قومی ترانے سے کیا گیا، جبکہ چیف سیکریٹری سہیل راجپوت نے تقریب کی میزبانی کی۔

تقریبِ حلف برداری میں قائم مقام گورنر، اسپیکر سندھ اسمبلی آغا سراج درانی نے شرجیل میمن سے وزارت کا حلف لیا۔

اس موقع پر وزیرِ اعلیٰ سندھ سید مراد علی شاہ اسٹیج پر موجود تھے۔

یہ بھی پڑھیے

تقریب میں صوبائی وزراء، سعید غنی، ناصر شاہ، گیان چند، سردار شاہ، اعجاز جکھرانی، مشیران، معاونینِ خصوصی، صوبائی سیکریٹریز بھی شریک ہوئے۔

وزیرِ اعلیٰ سندھ مراد علی شاہ نے شرجیل انعام میمن کو صوبائی وزیر کا حلف لینے پر مبارک باد دی۔

واضح رہے کہ گزشتہ روز سندھ کابینہ میں تبدیلی کرتے ہوئے رکنِ سندھ اسمبلی شرجیل انعام میمن کو صوبائی وزیر بنا دیا گیا اور اس حوالے سے نوٹیفکیشن بھی جاری کیا گیا تھا۔

ذرائع کے مطابق شرجیل انعام میمن کو محکمۂ اطلاعات سندھ کا قلم دان دینے کا فیصلہ کیا گیا ہے۔

دوسری جانب وزیرِ ٹرانسپورٹ سندھ اویس قادر شاہ کا نام سندھ کابینہ سے ڈی نوٹیفائی کر دیا گیا ہے۔

قومی خبریں سے مزید

Original Article

Leave a Reply

Your email address will not be published.